شاركي في النقاش

سجلي الدخول لإضافة تعليق.

التعليقات

48
  1. @rayk2006

    صاحبة الموضوع
    توي دخلت وانشرح صدري لردودكن اللة يشرح صدر كل وحدة ردت علي


    معليش بنااااااات اسفة لاني مارديت والله انشغلت لان الله رزقني بوظيفة ولله الحمد وحطيت عيالي
    بالروضه بنفس المدرسة ولسا ابوهم ماجاء بس ردودكن روعة واستفدت منها والله يشهد
    كيف انشرح صدري وراح استفيد من كل رد الله يعطيكن العافية

    وراح ادخل مره ثانيه عشان ارد على وحدة وحدة الله يوفقكن ويفتحها بوجيهكن
    ولا تبخلن علي بأي نصيحة حتى لو معنوية او جمالية او نفسيه تـــــــرى الكلمة الطيبه صدقة
    ومثل البلسم وكلامكن مثل العسل الله يوفقكن.
  2. @mtaa_alhdyth

    ((الرسالة الأصلية كتبت بواسطة ام الخمائل ))

    أختي الغالية:

    هذي مشكلة ومتفرعة وهي ما تخصك لوحدك عشان تقررين فها وتاخذين رأي البنات اللي احنا مانعرف وش هو شعور ولا رأي ولا مصير الأطراف الثانية وأهمهم الأولاد!!!

    انتي شفتي أولادك وحسيتي فيهم وعرفتي كيف ان تفرقتك انتي وابوهم أثرت عليهم ولا لأ؟؟؟

    من جهه ثانية لو أصريتي على الطلاق عيالك بيضلون عندك؟؟ولا بيرجع ياخذهم ويذلك ويذلهم ويدمر مستقبلهم ونفسياتهم عشان عناد!!!

    من جهه أخرى انتي: وش مصيرك لو تطلقتي؟؟؟

    عزيزتي لازم تجلسين مع نفسك وتوازنين بين مزايا وعيوب الطلاق....

    من ناحية انك ترجعين له وما تخلينه يلمسك هذي الفكرة جاية لأنك متضايقة وحاسة انه جرحك بقوة لكن والله ثم والله ثم والله ان تتندمين على هالحركة أول وحدة.......عارفة ليه؟؟؟
    لأنك بتصيرين بالنسبة له صفر عالشمال:شغالة عند عياله بدون راتب ومالك أي حق عليه ولا خاطر عنده !!!

    إذا رجعتي :طالبي بحقوقك كاملة واحذري تتحمسين لكرامتك وتهينينها بيدك.....

    الله يوفقك وييسر امرك ويصلح حالك وعيالك...........
  3. انــت صلي استخاره مره ومرتين وثلاث

    واذا ارتحتي ارجعي له وتوكلي على الله
    ولاتمنعيه منك لانه الملائكه راح تلعنك والرب راح يغضب عليك

    بس اذا مارتحتي بعد الاستخاره

    روحي لابوك وقوليله انك استخرتي كذا مره وقلبك مقبوض وانك عايفه العيشه معه وان الله هو العالم بالخيره

    وبوسي ايد ابوك وقوليله انا بنتك يايبه لاتضيعني وتخليني ارجع له انـا بتعذب معاه ونزلي كم دمعه تحنن قلب ابوك عليك

    وقولي لابوك عليه بالعافيه خلي يتزوج بدال الثنتين ثلاث بس انا مابيه خلاص
  4. حبيبتي وغاليتي
    صراحه انصحك لك ولعيالك
    عيالك اهم اهم اهم
    ولاتخلين كلام امه ياثر عليك ابدا
    ولا كلام الناس وبعدين الى متى تكون
    نظرتنا للامور قريبه ليه ماتنظرين لحياتك
    نظره بعيييييييده اذا كبر العيال بيشيخونك
    والجئي لله دائما بان يعوضك الفردوس الاعلى
    من الجنان يالغاليه حاسه والله فيك
    وتذكري دائما ان الله يمهل ولا يهمل
    وارجعي بيتك روحي ترافقك السعاده وين ماتروحيييييين
    اميييييييييييين عشان عيالك وزوجك بعد

تابعي تجارب أخرى من هذا القسم.