لو مكاني تساعدينه

السلام عليكم
حطي نفسك مكاني
زوجك انسان عاشق للسفر لف الدنيا كلها يحط من راتبه مبلغ مخصوص عشان يسافر مع اخوياه
اخر اهتمامه بيته مبدئه بالحياة انا اوكلهم اشربهم واصرف عليهم وبس
واذا قلتيله قلل سفر التفت البيتك واطفالك قالك عاجبك حياك الله مو عاجبك الباب يوسع جمل
وكل شي جاي على كيفه بيته مصاريفه قليله اجار بيته18 الف بالسنه زهيد مقارنه بأقرانه يعني مسؤلياته بسيطه
قدر الله وطلعه صاحب الشقه وقال لازم تسلمنا الشقه بأقرب وقت قام يدور ومالقى شقق الا من30 وفوق زادت المصاريف وقلل السفر وركد وصار رجال ولتفت البيته شوي
وعند ابوك محل كنبات واثاث وزوجك يعرف
وقالك كلمي ابوك نأثث من محله ابلاش واوفر فلوس الاثاث احسن وانتي تدرين ليش بيوفرها عشان يفلها ويسافر
كيف راح تتصرفين وش هل بتساعدينه
ولا تصرفينه
صديقتي تقولي نوعية زوجك مايبين بعينه والله يأثث وبالاخير فلوس الاثاث يخليها الوناسته وفلته وسفراته
وانا متردده اترك الراي لكم

34 تعليق 2,373 مشاهدة

شاركي في النقاش

سجلي الدخول لإضافة تعليق.

التعليقات

29
  1. @rym_lysh

    لا طبعا ماراح اكلم ابوي ولا اخذ شي من عندو والاثاث اخذوا من اي محل لا توفرين له اريال اصرفي كل الي معو
    ياصبرك بس
    والله يعينك
    لابد تكون شخصيتك أقوي من كذا
    عشان يهجد وش السفر ويبخل عشان وناسته لابد يحس ب المسؤليه
  2. @rghdh_3

    صاحبة الموضوع
    والله ياوخيتي كل شي حاولت اسويه مانفع شلت شلايلي ورحت اهلي عشان يقلل سفر وكلمت اهله يكلمونه ونكدت عليه عيشته بس مانفع يعشق السفر شي غصبن عنه وقالعا لي قالي امي وابوي ماقدرو غلي عشان انتي تقدرين علي بس سبحان الله الحين المصاريف الزايده قدرت عليه وخلته يهجد ويركد قسم بالله توني احس ان زوجي رجال مسؤل قبل احسه مراهق تدرون كنت اسميه السندباد الرحال ههههه من كثر سفراته
  3. @rghdh_3

    صاحبة الموضوع
    انا وش اللي خلاني افكر اساعده رمى علي كم كلمه وقالي
    اهلك ماينفعون الشي وابوك عنده خير وماحاول يساعدنا وش بيضره اذا اثثلنا شقتنا ابلاش
    رديت عليه قلت انا مبينه الاهلي ان زوجي مو محتاج احد واني الحمدالله بخير صعبه اروح اشحذ اهلي اثاث عيب ويجي يسد فمه
    بس رجع عاد السالفه اليوم وقالي كلمي ابوك لو يخفضلنا مانبي ابلاش وانا قلت له يصير خير بس تحسفت لاني اعرف زوجي حط مبلغ الاثاث السفراته وكمان متأكده بعد

تابعي تجارب أخرى من هذا القسم.