ابغى أدّور عروسة لأخوي ومافي إلا هذه الطريقة!!/ استوفى الرد

الله ييسر لنا ولكم الحمدلله نسأل الله ان يدبرنا ويختار لنا ويدلنا...رأيي اذا تروحين دور التحفيظ افضل من حفلات العرس

اصلا في الشرع مايجوز تحظرين زواج ناس ماعزموك وطريقتك خطا اخوك اذا له اصدقا يسالهم

حبيبتي الزواجات احسها مو مكان مناسب لان الكل مايكون طبيعي ... روحوا للنوادي او دور التحفيظ او روحي للجامعه زياره او المعاهد .. هناك تلاقي الناس على طبيعتهم اكثر

وعليكم السلام ورحمة الله وبركاته
اولاً يااختي مايصلح تدخلين زواجات ناس ماتعرفينهم من الباب للطاقه تدخلين ولاتعرفين شيء عن العايلات اللي زواجهم اليوم ومن هالعوايل زينه ولا الله يستر عليهم مايصلح صدقيني لاتدخلين نفسك بمتاهات وتبلشين نفسك !
ثانياً يعني اذا عندكم بنات بالعايله والنعم فيهم افضل من تمشين وتخطبين ولاتدرين عنهم صح في بنات يتمسكنون لين تتزوج تطلع نذالتها على اهل الزوج ولاكأنها من العيله بس مو الكل كذا
ثالثاً حطي خطابة لاخوك على الاقل تعطيك اسم البنت واهلها وانسابهم احسن من اروح لناس ماادري وين اراضيها وبنت مين والخ
رابعاً الزواج مايعطيك اي نظره للبنت لان بعضهم حلوه وخربها المكياج وبعضهم مو حلوه وصايره قمر مجرد ماتروحين تشوفينها تحسين وحده ثانيه موب اللي شفتها قبل وانعجبت فيها تبين تدورين الخطابه اسهل بس دوري الثقه واللي ماتاخذ مبلغ الا لما تجيب لي بنت ونتفق ونملك مو اللي تقبض مقدم وكثار كذا طماعات!
خامساً اسألي صديقات او صحبات لك او اي احد تعرفينه يجيب لك عن طريقه بنات واذا مره مره عجزتي عندك نوادي الحي فيها بنات شوفيهم زين واسألي عنهم بعدين اذا اعجبتك اخذي رقمها او مدارس تحفيظ القرآن المسآئيه تلاقين بنات تخرجوا وماتزوجوا وجايين يقضون وقت فراغهم بالحفظ ماشآء الله عليهم او عندك الجامعات او المدارس تلاقين بنات يبون يعرسون واهلهم هم اللي يعرضونهم للزواج احياناً بالجمعات او داريات الحي تلاقين كل وحده تقول عن بنتها وانها ماتزوجت الخ ممكن يكون لك فايده بهالجمعات ومكان عام غير مكان خاص بزواجات وناس ماتعرفينهم ولاتعرفين عنهم شيء
واخوك اذا ربي كاتب له بيتزوج بتتسهل كل اموره وبيلاقي الزوجه بس لسه ربي ماكتب له هالزواج اذا ربي كتب بيجيكم هالشيء فجأه وبدون سابق انذار هالشيء رزق وبعلم الغيب تدورين تدورين ولاتدرين النصيب يودينه وين يمكن وحده في وجهكم وكل مكان معكم وتعرفونها هي زوجته المستقبليه كل شيء عند رب العالمين وبعلم الغيب