ماذقت النوم ونفسيتي تعبانه بسبب ولدي ..الله يصلحه

غيري الحليب يمكن ماناسبه ويسببله مغص حتى مع الدواء مايجيب نتيجه غيريه وراح تدعين لي

انا ولدي عمره شهر ونص نفس حالة ولدك تفاجأت سبب بكاه لفه مايبغاهااا والحمدلله ماعاد لفيته وصار ينام زين كم تأكدي من فراشه يمكن مو مرتاح له او انك مثقله عليه الملابس بعض الاطفال مايتحملون الحر

الله يعينك عليه حبيبتي انا بنتي كانت كذا وانا كنت ارضعها طبيعي وبس تبكي مدري وش فيها وتخيلي ثلاث شهور وهي ع هالحاله لين جدتي الله يشفيها قالت لي عطيها عسل طبيعي بطرف الاصبع لحسيها شوي لا تكثرين يمكن البنت بطنها م نظف وعطيتها لحستها بطرف اصبعي ويالله لك الحمد بعدها بربع ساعه الا هي مسويتها وطلع من بطنها شي ع سواد وبعدها ارتحت وارتاحت هي بعد والعسل كنت اعطيه اخوانها وهم بالاربعين احط ملعقه صغيره برضاعه المويه واعطيهم المويه يشربونها وينظف بطونهم بعدين قالو انه مضر وتركته بس م ينظف بطن الصغار الا هو واهم شي يكون طبيعي العسل عشان م يزيد الالم عليهم بعض الاطفال م تنظف بطونهم من نفسها يكون في بقايا وم تطلع الا مع العسل وحتى حمواتي صارو يعطون عيالهم لا شافوهم يبكون وم يدرون وش السبب ويقولن الحمدلله بعد م يتبرز بعد العسل م عاد يطلع لهم صوت يرتاحون وينامون

اخذي له حليب خاص للمغص والغازات الحليب ماناسبه صارلي مثلك تعبت تعب الله اعلم فيه كل شي جربته مافاد الولد بس يتمغص ويبكي حتى نومه هو متقطع الي يزوروني قالو لي الحليب ماناسبه اكيد ورحت للدكتور وكتبلي بيبي ميل كومفرت كل انواع الحليب فيه نوع يكون مخففه الدهون فيه مايتعب معده الطفل فيه من رونالاك اسمه رونالاك جنتل وفيه من اس 26 كومفرت تحت اشراف دكتور غيرته وخف صياحه وخذت له شراب انفاكول اعشاب لحد ثلاث شهور اعطيه وبعدها راح عنه المغص نهائي وصار ياخذ نومته
فلا تخافين طبيعي