تباشير السعادة العاششر لمواليد #نوفمبر&ديسمبر#👦👧

• طبعا اعذرووني انشغلت مع نونتي فديت قلبها
• وانشغلت مع اولادي مرضى زكام وكحة وسخونة 😢😢
• ادعولهم ربي يشفيهم ويعافيهم

الاكشن 💁👇
هذا الله يسلمكم من بداية التاسع ماخليت شي ماسويته علشان اولد وكنت متوقعه اني اولد بداية التاسع مثل حملي اللي قبل وفررحانة 😂
المهم مشى اول اسبوع والثاني والثالث
وانا مكانك سر بدأت اتعب من الثقل والوهن
يارب تأجرنا طبعا منتظمة في مواعيدي وكل شي تمام الحمدلله طبعا وصلت اخر التاسع ماعاد باقيلي الا يومين واعوشر قبلها رحت موتدي قالت الدكتورة
عندك اربع ايام لو ماولدتي تنويم وطلق صناعي
😢😢😢😯
دعيت الله من كل قلبي ان ربي يباعد بيني وبين الطلق الصناعي لاني مجربته ببنتي وتعبت مررره بغيت اتجنن من قوته واضطريت اخذ ابرة ظهر
المهم الدكتورة وهي تقول كذا وزوجي فرحان قال خلاص يادكتورة خلي التنويم يوم السبت علشان مافي دوامات والدكتورة توافقه الرأي تقول اوك مافي مشكله 😢
وانا اطالعهم وادعي بكل ثقة ان ربي يخارجني من غير طلق صناعي
المهم
جاء يوم الاربعاء وكان يوم عادي جدا يعني لامشيت فيه ولا صار جماع ولااجهدت نفسي مثل الايام الباقيه
سبحان الله
نيمت عيالي الساعه 12 بالليل وغفلت جنب بنتي في سريرها وماتغطيت كويس عن البرد فجأة احس بحرارة بظهري قلت وش ذا ياربي احتمال من البرد
دخل عظامي وتعبني
ورحت ع سريري وتلحفت ببطانيتي وش كبرها قلت بس باتدفى وبتروح الحرارة والا الالم يزيد اخذت جوالي قلت باحسب كم بين الطلقات المها مثل الم الدورة وحسبت والا هي بالضبط 5 دقايق فرحت مررة ثلت احتمال طلق كاذب باروح اتروش بموية دافيه واشوف


يتبع

ام ريتال
ماشالله
ذكرتيني بولادتي الثانية
انفكت مويه الجنين الساعه 12 وربع الظهر ووصلت المستشفى الساعه 1
وماحس باي الام .... ولما جات الساعه 2 وربع حسيت بالطلق وساعه ونص واولد
وكانت سهله ولادتي مررره
باذن الله ولادتي ذي تتسهل زيها

تحممت بموية دافيه والالم يزيد تاكدت انها ولادة
وحمدت الله رحت جهزت اغراضي واغراضي عيالي وصحيت شغالتي خلصت كل شي وجهزت قرفة وتمر
وزوجي صحي من لما اتروشت جاني قال ولادة قلت اتوقع فرررح قال قرررربت 😢
صارت الساعه 4 الفجر وانا خلاص الطلق يتقارب والالم يزداد
قلت لزوجي يله وطلعت كانت درجة الحرارة 2 😭😭ولكم ان تتخيلوا البرد الشديد مع الم الطلق صرت ارقص ع كرسي السيارة 😂
وربي كان برد مو طبيعي وادعي الله واستغفر
وزوجي احسه مو مهتم مره استغربت اثاري طلع مكذبني يقول قلت اكيد طلق كاذب ودلع لان مانزلت مويات ولا دم
المهم وصلت المستشفى خلال اربع دقايق الحمدلله
رغم زحمة الرياض لكن ربي يسرلنا
ودخلت الطواريء قالهم زوجي ولادة
ويطيرون بسرعه كانوا نايمين والدكتورة شبعانة نوم 😂😂وفجأة نطوا عليه فرحانين انو في اكشن 😂
المهم سالتني الدكتورة في دم او مويات قلت لا
وكانها هي الثانيه ماصدقتني تحسب اني اتدلع
قالت باكسف عليك وتكشف وتطيييرررر عيونها قالت 6 سانتي ع غرفة الولادة وانا اللي اخااف 😢وفرحت كمان قلت الحمدلله اللي ربي بيخلصني
وطلعوني غرفة الولادة زوجي كان عند الرسبشن يخلص الاوراق ولما جاء مالقى الا جزماتي وانتوا بكرامة يقول وقتها تأكدت انك ولادة 😂نذذل اخذها ولحقني ع غرفة الولادة حليله 😄😂
ع بال ماجهزوا النيرسات الغرفه وحطوا الطلق واستدعوا الدكتورة وكشفت الدكتورة المناوبة الا الىحم فاتح 9 سانتي 😢
ماشاءالله مااخذت ربع ساعه الا فتح
وجات دكتوتي واسمعها تقول لزوجي 5 دقايق والبيبي بجنبها
جاتني وقالت حاسة بدفع قلت لا 😢ولما كشفت قالت انتي كيس الموية مثل ماهو بافتحه لك وفتحت واحس المويات تنزل ومازال الطلق محتمل الحمدلله
قالت ادفعي وااااه يابنات ماتعبت بالطلق مثل تعبي بالولادة وطلوع الراس دفعت وللاسف صحت باعلى صوتي 😢والمستشفى فااضي بس وربي غصب عني 😭😭😭
دفعت يمكن 7 دفعات وطلع الراس وكان في طلقة قووووويه وتسحب الدكتورة البيبي وفجأة توقف الطلقة بنصها وانفجعت سبحان الله لما طلعت نونتي حطوها ع بطني واطالع فيها ياناااسو
نظفوني وخيطوني ونقلوني للتنويم الحمدلله
هذا اكشني ادعولي ولعيالي بالصلاح والعافيه وحسن الخاتمة
قرقرت واااجد وسلامتكم 😂😆

ماشاء الله تبارك الله الله يحفظكم جميعا والحمدلله علسلامتكم ومبررررروك لكل الاخوات يتربو بعزكم يارب🎉🎊🎉🎊🎉🎊🎉🎊🎉📞🎉🎉🎉

بدوية شيك
الف الف الف مبروووووك والحمدلله على سلامتك ❤❤😍🎉🎉🎉🎊