زوجي بيرابط

صعب تجلسين ببيتك و ما عندك أحد يخلص لك حاجاتك لو عندك سواق أكيد بقول لك خلك ببيتك بس بدون سائق و سياره صعب جداً مهما وفرتي من أحتياجاتك أحياناً غصب تحتاجين و عن نفسي ما أروح لأهلي إذا زوجي مو موجود و كلهم قراب مني أهل زوجي و أهلي بيني و بينهم دقايق و عندي من يخلص حاجاتي الحمد لله و مع ذلك ما تصير الظروف الصعبه إلا إذا غاب زوجي سبحان الله يا يتعب واحد من عيالي يا يطيح و يتعور أخر مره زوجي طلع للبر يومين و مافي أحسن مننا قبل يروح و لما رجع لقانا كلنا مريضين أنا و العيال نزلة برد شديده و كلنا أحتجنا المستشفى و مغذي و مضادات و حاله يعني ما تدرين لا سمح الله إيش يصير معك لذا ما أنصحك تجلسين لوحدك نهائياً و الله يسهل أمرك يارب و يرد لك زوجك بالسلامه

روحي لاهلس غلط تجلسين لحالس لاسمح الله يصير شي يتعب احد تاالي الليل وش تسوين تراها مسؤوليه الا تحتاجين رجال يساعدس يااختي انا ولدي انكتم وابوه موجود قبل الفجر وداه الاطفال في اي لحظه يتعبون روحي لاهلس ينزعجون او يتضايقون تحملي عشان عيالس اهلس ملزومين فيس انتي بنتهم يتحملونكم هالفتره وعادي طنشي لو ضايقس شي منهم مردكم لبعض

سوي نسختين ثانيه للمفاتيح الابواب الخارجيه وارفعيهن بمكان لو ضاع مفتاحك لاقدر الله وعندك نسخ احتياطيه
شيكي على السخانات والاسطوانه وعبي 3سطوانات اقل شي
ونصيحه روحي لااهلك اذا ماحولك قرايب ومعارف مثل ماتحملوك وزوجك موجود يتحملونك وزوجك غايب وعودي عيالك على الهدوء واضغطي على نفسك او تضايقتي عند اهلك صعبببه جدا جلوسك وحدك الدنيا تخوف

انا نفس وضعك الله يعينا ويعطينا الاجر
زوجي يغيب 3اسابيع
المهم زي ماقالو البنات ادويه ومقياس حراره
اما الاغذيه لازم تقضي حق شهر واكثرطبعا الخضار والفواكه اكيد بتخلص قبل يجي لاكن مممكن تاخذين كميه من بطاطس القلي والخبز والصامولي فرزنيه اول مايجي ومكرونه ومعلبات وبسكويتات بانواعها انا اطلع لهم جزء منها وجزءاخبيه واعطيهم بعد اسبوع نوع من التغير عشان يفرحون بشي جديد
ولا تنسين الغاز 2ضروري

بالنسبة لي رابط زوجي 6 اشهر وجلست لحالي انا وعيالي ومالي احد في المنطقة الا الله وكان يجي اجازة تقريبا كل شهر ونصف اسبوع والحمدلله عدت على خير اهم شي اذا عزمتي واستخرتي توكلي على الله ولاتنسين كل يوم استودعي الله نفسك وعيالك وزوجك واشتري كل اللي بتحتاجينه من اغراض البيت واغراض الصيدلية وخوذي رقم سوبر ماركت يوصل طلبات وصيدلية توصل طلبات وخوذي رقم اللي يبدل اسطوانات الغاز وخوذي كم رقم توصيل ورقم مطعم عشان ماتملين ولا تنسين شيلي كل المفاتيح من الابواب عشان مااحد يقفل على نفسه وخذي كل احتياطات السلامة وربك خير حافظ وهو ارحم الراحمين