باحكي لكم مشكلتي ووضعي عسى الله ان يفرجها علي برحمته ثم بتوجيهاتكم

  • انا متزوجه من ناس شوي غربا بعيد عنا عمري تزوجت عمري30 واللحين عمري34 ولم ارزق بذريه

زوجي ضعيف شخصيه .. ومنبوذ من اهله
يتكلمون عليه دايم ويسبونه وهو يرفع ضغط فعلا
حالتنا الماديه ماشي حالها
راتبه 5 الااف
ولايعطني مصروف الا بطلعة الروح
عمره 41
(يعني كلنا متزوجين متاخر )
من اول يوم زواج كرهته ولم يدخل قلبي ابد ولم احبه!!
وضعه عند الرجال محبوب ويقدرونه ودايم يهدونه هدايا ثمينه!!


عطيتكم نبذه عن حياتي👆
اللي يمكن اكثركم يعرفها ويعرفني
اللحين بابدا مشكلتي اليوم
لي سلفه متزوجه قبلي وعندها عيال وهي المسيطره بالبيت والكل بالكل .....
الشر يتطاير من عيونها !! والكل يخاف منها ويسوي لها حساب
زوجها هو الكل بالكل بالبيت !! وهله يحترمونه ويحبونه !!
وضعها معي نابذتني مره تسلم ومره تسفه لي
حتى عيالها احيان تمنعهم يسلمون علي تسحبهم عني
اليوم حصل موقف قدام ام زوجي
جات وسلمت قمت اسلم سلمت بتثاقل
وجلست قلت كيفك صدت وسفهت لي ..!! كان عادي عندي اهم شي ام زوجي تشوف وتصير حجي لي وعليها
لكن اللي صدمني ام زوجي مشت الوضع عادي وتضحك معها وتداريها !!!!!
بس بالبدايه تكلمت عن الاخلاق وكلام الشيخ !!
بعدها مشت الوضع ولا كان شي صار
😒 وتفز لها اذا نادت!!
انقهرت لو انا مسويه والله ماتخليني بحالي او على الاقل لتصد عني وتسفه لي
( ماادري وش اسوي .. مليت منهم ودي اهج عنهم)
حاليا نجهز للسفر وكل شي تحت اوامرها واشرافها .......!!
واخت زوجي مطلقه تخاف منها وسلفاتي الثانيات

25 تعليق 3,430 مشاهدة

شاركي في النقاش

سجلي الدخول لإضافة تعليق.

التعليقات

22
  1. صاحبة الموضوع
    كيف اتعامل معها ومعهم
    لاتقولون اهجريهم ولاتجينهم
    ماعندنا كذا ولا ارضاها على نفسي اهون اتطلق واتركهم ولا اتعامل بالهجر والاعمال الرديه
  2. @altrfh_2

    يختي انتى كارهه زوجك كره العمى
    وشلون تبين تُحبين اهله
    امورك متلخبطه مع الكل لازوج ولا في عيال
    شكلك تفكري تنفصلي صح !
    احسبيها بعقلك انتى قد هالحركه اذا ايه توكلي على الله وإذا لا حاولي تصلحي العلاقه مع زوجك فقط والباقي مو مهم
  3. صاحبة الموضوع
    الله المستعان يارب العالمين ويهدني لما فيه خير ..!
    افكر جديا بالطلاق وارتاح عند اهلي
    ( لا زوج احبه ويربطني ولا ذريه تربطني ..( دايم اشعر بالنقص بين سلفاتي هم اطفال وخدم وازواج لهم احترامهم وتقديرهم .. وخدمات متوفره ..
    وانا ولا شي من هذي كلها
    وفوق هذا اهل زوج يدعسون الضعيف ... المستعان
    ( دعواتكم ربي يفرجها علي .. ويتوظف زوجي بعيد وظيفه زينه ويبدل حالي بحال احسن
    يااااارب يارحم الراحمين ارحمني وعزني وابدل حالي لاحسن .
  4. @altrfh_2

    هدوء وسط الزحاااام
    الله المستعان يارب العالمين ويهدني لما فيه خير ..! افكر جديا بالطلاق وارتاح عند اهلي ( لا زوج احبه ويربطني ولا ذريه تربطني ..( دايم اشعر بالنقص بين سلفاتي هم اطفال وخدم وازواج لهم احترامهم وتقديرهم .. وخدمات متوفره .. وانا ولا شي من هذي ك…
    مافي مجال تطلعون بيت مفصل
    يمكن يتغير زوجك شوي
    البيئه مرات اتأثر
    الطلاق خليه اخر شي
    حاولي بشي ثاني
  5. @loolo_loolo

    انفصلي






    انتي وصل بك الكره انو عينك تزيغ على اخوه وقلبك يميل له
    تطلقي






    لا زوج تحبيه
    ولا عيال تتعذرين فيهم
    ولا اهله يحبونك وتحبينهم


    ولا عيشة رفاااهيه ودلال




    انا مع طلاقك
    وصلتي لمرحله ماتحتمل التردد والتفكير

تابعي تجارب أخرى من هذا القسم.