ابغى اقدم بعثه بس خايفه//قديم

من واقع تجربتي
الدراسة في الخارج توفيق وتساهيل
ناس تتوفق وناس تتوهق
اذا انت عندك رغبة ملحة وحاطة كل سلبيات الابتعاث قدامك وقابلة التحدي والصبر عليها توكلي وقدمي
اذا عندك تردد وخوف وقلق انصحك تجلسي في بلدك
انت طالما انك لغه انجليزية
تقديمك ماراح يكون مشروط بلغة اذا جيبتي لهم معدل ايلتس يعادل 6 ونص
اي جامعه توافق والالتحاق سهل
لكن بالنسبة للحضانه للاسف معاناة كل المبتعثات اللي عندهم اطفال هي الحضانات لانها غاليه والملحقية ماتدفع رسومها وتاكل من المصروف اكل
وطبعا محد يقدر يحدد مستوى الحضانات لانها تعتمد من بلد لبلد ومن مدينة لمدينة ومن حي لحي ثاني
لكن الشي المشترك بينهم انها غاليه والملحقية ماتدفع رسومها
بالتوفي

الله يجزاك خير

مايهتمون كثير بالعمر حتى لو تعديتي السن القانوني اهم شي تنجحين بإختبار اللغه الانجليزية الآيلتس او التوفل ، فيه تخصص جميل تقدرين تكملينه على تخصصك اسمه تعليم اللغه الإنجليزية لغير الناطقين بها هذا وحده من صديقاتي اخذت درجة الماستر عليه افكر ادرسه اذا الله قدر ، بالنسبة للحضانات نفس الكلام الاخت ام جود ، بالتوفيق ياعزيزتي .

النظام الجديد حالياً اول ماتحطي العمر و يكون فوق القانوني داااااايركت يتلغى الطلب و نفس الشي للمعدل ... حاولي تلحقي واذا الله ما راد صدقيني خيرة لك

الله يعطيك العافيه ع الرد طيب انا مالقيت التخصص هذا مو موجود يعني لما أجي اقدم يطلعلي تخصصات مثل اداره تسويق وقانون والخ
انا سمعت بالتخصص وأفكر أدرسه بس كيف ؟! عندك خلفيه ؟!يعطيك العافيه