بحر الصفا
الله يكون ف عونك أشين شي في علاقات النسب يكون فيه خلاف بين امك وام زوجك او ابوك وابو زوجك هالشيء ضغط نفسي وتمتد آثاره لعيالك لما يكبرون ويفهمون ان مافيه موده ووفاق بين الطرفين لكن اوصيك بعيدا عن هالموقف بشكل عام لان دام الخلاف قائم ف مثل هالموقف راح يتكرر كثير وصيتي كوني محضر خير بين الطرفين وامدحي ام زوجك قدام امك حتى لو تبالغين وتكذبين بعض الاحيان مايهم قولي ماقصرت حطت لي كذا سوت لي دعت لي الله يسعدها تعاملني بحب ورحمه بالتدريج وعلى المدى البعيد كل ماتجي سيرتها اثني عليها عشان والدتك تبدأ تغير فكرتها عنك وانها واقفه لك وتبي تكسر راسك ع قول امك وفي المقابل اذا زرتي ام زوجك بلغيها السلام من امك وانها تسأل عنها وعن صحتها وتدعيلها واحيانا اذا حبيتي جهزي هديه من عندك وقولي من امي لك عشان تطيب الانفس وماعاد تستفزها كوني حلقة وصل طيبه بينهم هذا في حال كنتي تبين الاصلاح وحابه تسعين فيه ومالك الا الاجر والخير لك ولعيالك مستقبلا والله يهدي النفوس ويزيل مافيها من غل وكراهيه وادعي في سجودك اللهم اصلح مافسد بينهما واعني على الخير وصدقيني مردود هالشيء بتشوفينه في نفسك وزوجك وذريتك
🎉🎉تجمع التباشير الثالث لمواليد ينــــاير & فبــــراير 🎉🎉
متابعة النقاش، صفحة 70
