اللي زارت القريه العالميه في دبي تتفضل

بسم الله الرحمن الرحيم
اخواتي اللي زارت منكم القريه العالميه في دبي تقول ايش الشي اللي اشترته منها وماندمت مع ذكر سعره
لاني لما رحتها ودخلت القريه الكويتيه كانو البائعات يمدحو لي الماكياج الكويتي وانه افضل ماكياج وماراح اندم اني اشتريته بس بصراحه مااشتريت لانه ولامره جربت ماكياج من برا المول بس اكثر شي مدحوه كان الكحل
لكن لما دخلت القريه العمانيه البائعه مدحت لي دهن المسك وقالت اذا كنت متزوجه ماحتندمي انك اشتريتي منه مسحه وحده تكفيك وقت طويل وانا اشتريته منها وله معي الان حوالي ثلاث سنوات ونص وكأني البارح اشتريته منها رهيب مسحه وحده تستمر وقت طويل وكل ماتبرد ريحته كل ماكان احلى
اما القريه الايرانيه اشتريت منهم الزعفران الاصلي اظن كان سعره 300 بس كان زعفران يصك في الراس اذا حطيته في القهوه او الاكل يجنن ماشاء الله حتى لما امسكه باصابيعي يصبغ بسرعه عكس اللي بالسوبر ماركت
القريه اليمنيه اتذكر انه اخذنا منهم مكسرات يمنيه بس ماني فاكره اسمها شي يشبه اللوز او الجوز مااعرف ايش هوه بالضبط كانت تجربه حلوه وطعمها كمان جديد علينا
القريه الافريقيه عجبتني تحف من العاج عندهم بس وصلت لهم متاخره وفلوسي ماعاد كفت اشتري من تحفهم
الان كل وحده عجبها شي في القريه العالميه واشترت منه تذكره لنا حتى نستفيد
حتى اذا رحنا للقريه مره ثانيه نعرف ايش المهم اللي نشتريه
وجزاكم الله خير