🎉🎉تجمع التباشير الثالث لمواليد ينــــاير & فبــــراير 🎉🎉

رحت طلعت تحاليلي
الدم 8😢
بس شيء طيب جدا من 6 الى 8 نقله ممتازه
ولما رحت للدكتوره طلع ماراح تداوم الا بعد الظهر
تركتها وخرجت مافيني انتظار

بنات وربي حزنانه مره مره مره على بطني وشعري
ياربي هل بيرجع الشعر وبتخف خرايط البطن زوجي البارح أقوله نبي تشوف وانا ادري انه حساس بس الحمدلله ماصدمني قالي لا ينكسر خاطري عليك احسه حاول يقول كلمه ما تجرح بس اعرفه كويس يتحسس أخاف يستكره :(

لاتشيلين هم حبيبتي كل شي بالعنايه والاهتمام يرجع زي اول واحلى بعد ولاتحسسين زوجك ان فيك شي غلط او متغير او حتى ان نفسيتك متضرره من هالتغير لانه طبيعي مع كل حمل تصير هالضريبة تشققات تصبغات تساقط شعر اثار حساسية حمل و و و اشياء كثيره بس بعد الولاده يرجع كل شي طبيعي لاتحاتين شوية اهتمام بشعرك وشوية تمارين ترجعين زي ماتحبين وشوفي تجارب هالاجنبيات لو مو حرام كان نزلت لك صورهن وهن يستعرضون في بطونهن بعد الولاده بثلاث اسابيع او شهر البطن شاد وناعم والبشره ياسلام لان عندهم تمارين البطن اهم من الحلبه والماش اللي نحرص عليها وكلنا ترى تغيرنا واللي الحين وزنها زاد فوق 15 كيلو واللي سمرت وكلف وحاله وانا شعري انعدم جفاف غير طبيعي كنه شعر وحده بالسبعين ومتكسر ورايح فيها حتى ماصرت افكه ألمه على فوق مع ان طبيعة شعري حلوه وملفتة للانظار لكن تأثير الحمل وان شاءالله بعدين يرجع كل شي طبيعي مع العنايه ولو كل وحده الحين حكت لك وش تغير فيها كان بتقولين الحمدلله انا اهون وكلنا حزنا من بعد اول حمل من التغير الجذري اللي حصل بأشكالنا لكن والله اني بعد نفاسي في بكري بعد ما اهتميت بنفسي رجعت احلى من يوم كنت عروس وكثير الى الان كل ماجات سيرة طلعتي بالنفاس يتكلمون عن شكلي وكيف كنت محلوه عن اول
خلاصة كلامي هذا كله لاتشيلين هم بترجعين ان شاءالله احلى من العروس

لاحبيبتي لازم تشوفك الدكتوره تكتب لك حديد بالمغذي الله يعينك لانه خطر عليك وقت الولاده لازم دمك يكون نسبته زينه وجربي عصير الطماط الله يعينك على طعمه بس يرفع الدم بشكل سريييع اختي جربته تقول باسبوع ودمي من 8 الى 12 ماشاء الله

حبيبتي ياقلبي تسلمين على كلامك
باذن الله / انا حتى وجهي شاحب مااقوله شي بس اناظر نفسي بالمرايه واناظره ماشاء الله عليه أقول ياربي كيف متحمل هذا وربي انا ما تغيرت شي يذكر بشكلي بالعكس الكل يقول حامل جميله وتشجعين على الحمل بس لا طبعا الوحده تحس بالتغير . اكيد بخف النفخ وبننحف بس مره قلقانه لان بعضهم ما يرجع شعرهم زي قبل والخطوط صعب تروح لكن بشد على نفسي وبحاول اعتني بنفسي كويس من اول مااشد صحتي واذا مره بعمل بلازما وجلسات علاج للشعر وليزر للاثر مستحيل اترك نفسي كذا .

ادري المفروض مااحسسه بس انا من طبعي أقول له كل حاجه مع انه خطأ توي تعلمت انه مو كل حاجه تنقال وانه من النوع اللي يتاثر وما ينسى .