السلام عليكم ورحمة الله وبركاته
بقولكم سالفتي انا تركت حبوب المانع من سنتين ولاحصل نصيب اني احمل للان
وقبل سته شهور جتني اعراض فضيعه كاني حامل واالي خلاني اشك بالحمل المؤكد ان الدوره ماجتني سويت تحليل حمل منزلي مافيه وسويت تحليل دم طلع سلبي وانقطعت الدورة ثلاث شهور بدون اي سبب يذكر مع اني رحت وسويت تحليل الهرمونات وتحليل الغده وسويت اشعه خوفا من وجود التكيسات وماطلع عندي اي سبب لانقطاع الدوره واخذت حبوب اللي تنزل الدورة ولا نزلت ثلاث شهور منقطعه عندي مع اني رحت لاكثر من مستشفى وعند دكتورات ممدوحات بشغلهم بعد الثلاث شهور نزلت الدوره وبوقتها ولا كان شي صار ..
الزبده الحين الدوره نفس الشي مانزلت علي لي الحين اسبوع وعندي صداع وغثيان غير الم الصدر اللي يذبح اخاف يكون جايني مثل اللي صار من قبل جبت التحليل المنزلي بدون علم ابو الشباب طبعا وطلع مافيه شي تنصحوني اروح اسوي تحليل دم والا اصبر شوي لاني جسمي متعب بشكل ماهو طبيعي مقدر اتحرك من التعب بايش تنصحوني
شاركي في النقاش
سجلي الدخول لإضافة تعليق.
التعليقات
8- سوي تحليل دم افضل
ويمكن اللي صار لك الاول ان الرحم يهيئ نفسه للحمل بإذن الله
وتفائلي خير دائماً ومافي شي بعيد عند الله
وان شاء الله تجين تبشرينا بحملك ويكتب لك اللي فيه الخير - وعليكم السلام ورحمة الله وبركاته
شوفي يالغلا انا يصير لي مثلك بس انا أحلل ويكون
عندي هرمون الحليب حييل مرتفع😰يعني 4 أضعاف الطبيعي😰
فيقطع عني الدورة وما تنزل الا استخدم حبوب الدوستنكس،
بس اذا انتي كل التحاليل سليمة مدري ايش سبب انقطاع الدورة
روحي لي استشارية شاطرة وشوفي ايش تقولك.. - قطرة لولو الله يسمع منك يارب بحاول اروح اليوم بعد الدوام واسوي تحليل
ام رهف اي بالعاده اللي يصير معهم كذا يكون ارتفاع هرمون الحليب اما انا رحت لاكثر من دكتوره وكل التحاليل سليمه - ايه حبيبتي روحي حللي دم
- رحت سويت تحليل الدم وابشركم طلع ايجابي
الحمد لله الحمد لله الحمد لله
مواضيع مشابهة
تابعي تجارب أخرى من هذا القسم.