أحيان تكون الزوجة الثانيه مظلومه

انتي تزوجتي واخترتي لازم تتحملي مسؤليه اختيارك
هي انفرضت عليها هذي الحياه بس انتي اخترتيها بارادتك
تحملي مايجيك اختي

اللي فهمته انها شقتك وهي لمى رجعت لزوجها تنازلتي وخليتيها تسكن معك واعطيتيها غرفتك وتخليتي عنها
شوفي حبيبتي انتي واضح طيبه وتحبي زوجك وتبغي تعيشي بسلام بس هي واضح مو مبين بعينها هالشي نصيحه وقفي تنازلات لهنا وخلاص
بما انك سويتي كل اللي قلتيه وهي لازالت مأذيتك ابعدي عنها كليا حتى لو انتو بنفس البيت لانكلميها ولا تقولي لها شي
يومك اطبخي ويومها لاتسوي شي
الطيب بهالزمن ما يعيش ومعليش اضغطي عليه ياخذ لك شقه واذا مره ما قدر انفصلي عنها تمام لسانك لا يجي على لسانها نهائيا كملي قسمتك للبيت دامك اخذتي المجلس وحمامه خذي المقلط وسوي فيه بوفيه صغير لك للأكلات السريعه وجزء منه جلسه لك في يومك يجي يجلس عندك وفي يومها يروح لها واقطعي علاقتك فيها نهائي لاندوري رضاها واضح مافي شي بيرضيها والبنت اللي كفلتها مالك دخل فيها بنتها وبكيفها انتي سعيتي في موضوعها جزاك الله خير انتظري الاجر والجزاء من رب العالمين اما الناس لاتنتظري منهم شي وعيشي حياتك والله يرزقك بالولد اللي يشغلك ويسعدك

عزيزتي انا مااستنكرت ثقتك بحب زوجك انا فقط وضحتلك يوم قلتي الم الأولى والثانيه زي بعض قلتلك في فرق الأولى يكون الم بكسرة وحسرة وانكسار نفس وتحس الوحدة اصيبت في مقتل بأنوثتها عكس الثانيه او الجديدة بأي رقم الثقه تكون عاليه حتى لو تغار وتتألم غالبا احساسها انه جاء وتزوجني عليها واوضحتي بكلامك انه احيانا الأولى هي السبب في زواج زوجها اقولها لك ثقي ان معاملتها له قبل زواجه اكييد غير وانا اقولها لك من تجربه حتى انا احزن زازعل واعصب عليه مع اني كنت مراعيته وحريصه على رضاه وموفرتله كل طلباته بس زواجه كسر كل شيء فمستحييل تحكمين من كلامه او حسب تعاملها الحين


نجي لموضوعك طالما كان عندك بيتك المستقل فما غلطتي لكن اعرفي ان زوجك عاجبه وجودكم الثنتين تحت نظره ومو متعب روحه يوم هنا ويوم هنا ويوم يروح البيت هذا ويطلع انه دور الثاني واذا جاه عيال بيصير كل يوم يشوفهم راح يطلعلك مية عذر اصري على حقك تعالي له بعدة اساليب يوم باللين يوم بالزعل يوم عاتبيه المهم حسسيه بالنهايه انك بتملين وتخلين البيت
اختي نفس خالتك رغم انه مقتدر بس يوم جرب جمعتهم تحت عينه مو راضي وكل شوي يماطل
ولها كم شهر يوعدها والله يسهل امركم استخيري وربي يكتب مافيه الخير

والله ماأناني الا هالرجال الي ماخذك..زوجك ياخذ عليك ضره مايخالف إحساس وشعور لايطااااق بس يهوووون الوضع والموقف لما يكون الزوج مقتدر وقدها وقادر يفتح بيتين وقادر يعدل حتى لو ببرتقاله يجيبها للأولى نفسها للثانيه..بس هذا شين وقوة عين همه نفسه وبس..جامعكم ببيت صغير ويصبرك بكم كلمه حلوه شتم في زوجته الأولى وتلاقينه يقولها نفس الكلام لما يكونوا لحالهم ويشتم فيك يبي القافله تمشي .

• كان اشترطتي بالعقد بيت شررعي مستقل

واذا كنتي شاررطه هالشرط ومانفذه اشكيه