صباح الجوري
احلى صباح لربيعاتي بنات المنتدى
شحوالكم مره مشتاقه للسوالف وياكم
***
إبتيل
ياحياج اختي
واتشرف اني اكون الاخت الكبيره لكم كلكم
***
غدورة
ربي يرجع الوالده بالسلامه
وربي يقومج بالسلامه يارب
***
نحوله
تسلمي اختي
***
أم تقى وام عمر
تعجبيني أم عمر
وام تقى لازم تسوي زي ام عمر
وكلكم بنات
انا عودت عيالي من صغرهم يقومو بدري
واقوم وياهم بدري
واشغلهم طول النهار والساعه 8 هم في الفراش
ايام المدارس كذا بس في الاجازات لا
اذا بنطلع بالليل طلعه للاسره كلها بنومهم الظهر اذا لا مالهم طلعه بيواصلو لين 8 وقت نومهم
وحتى الصغار الي مايدرسو كذا سوي معاهم أقول لكم ليش؟ الزوج يجي تعبان من دوامه محتاج ينام وانتي بعد محتاجه تنامي بس انا اقول لج شتسوين
خلي ابو الاولاد ينام بغرفته ويرتاح وانتي خذي الصغار وروحي بغرفه بعيد عن الغرفه الي نايم فيها الاب وانسدحي عندهم يحلو واجباتهم يلعبو انتي خلج وياهم ومحافظه على هدوئهم ومايطلعو من الغرفه صدقيني مع الايام بيتعودو يجلسو هاديين ويراعو انج ودج تنامي وحتى اذا نمتي ربع ساعه تراها تكفي قومي صلي العصر وزهبي جلسة الشاي لابو الاولاد وهو بعد لاتخليه ينام واجد ساعتين بالكثير تكفيه عشان مايسهرج بالليل وانتي مب حيل سهر من عقب 8 الصغار نايمين والبيت هادي تقدري تطلعي وياه او تجلسو بروحكم بهدوء او حتى لو هو عنده مشوار تقدري تنشغلي باي حاجه في البيت بهدوء بدون ازعاج الصغار
عودو عيالكم على هالنظام من صغرهم
صدقوني بتحسو بنظام في البيت يريح الجميع
***
روفر
مشكورة على البرنامج الحلو
واتمنى نقدر نطبقه
***
انا اليوم صايمه
شاكه في القضاء
فاحسن لي اعيد الصوم
***
اليوم بجرب 4 اطباق من حواء
أرز بالجمبري وحلا صينيه بالبسكويت وكريم الكراميل
والخنفروش وطبق مقبلات اسمه سلطة الفته
نجرب حق رمضان
وعاد صيام ومع الجوع وودي اطبخ كل شي
***
في امان الله
بنـــات ** سلطــنة عمـــان ** سلطـــنة عمــــان ** الحلـــــوات **
متابعة النقاش، صفحة 233