كرهت الشغاله قبل اشوفها بسبب زوجي

يوووه حساسه انتي مره وواقفتله ع الكلمه لا ياقلبي كلامه عادي وش قال حسستيني انه يتغزل فيها بالعكس قولي اي والله متى تجي تريحني واتفرغلك وكذا

في بنات مافهموا موضوعي زين
زوجي قال لي بحرف: ماتبينها انا ابيها
واذا مو عشانك عشاني انا!
يعني جايب الشغاله عشانه!


بحجه انه راعي عزايم
فعلا هو يعزم 5 مرات بالاسبوع
اول زواجنا كنت دايما انظف بعده
ولما ولدت الثاني قلت اسفه ما اقدر
وصار هو دايما ينظف المجلس
وصار احيانا يدخل ضيوفه بدون ترتيب
وكلهم اصحابه القدماء ويمون عليهم
المهم
هو مصر عالشغاله يقول برتاح من التنظيف
مو هنا المشكله
المشكله انه عالطالعه والنازله صار يطريها
وفهم كلامي امس على انه غيره!!
قلت له لو اغار ماطلبتها ببيتي
بس ياخي اقبض لسانك شوي لاعت كبدي من طاريها


لا وفوق هذا حاط براسه يجرجرنا معها
يعني رحنا مطعم رحنا سوق
بحجه انها بشر حرام نصك عليها
قلته تطلع 5 او 6 مرات بالسنه
قال لا كل شهر مع نزله راتبها!!


فوق كذا اللي بتجينا غير مسلمه
وانا متعوده الشغالات يتحجبون ببيت اهلي
مسلمه او مسيحيه.. اهم شي تستر راسها
وهو معترض يقول كيف تحجبين وحده مسيحيه!!!
يقول يكفي تلم شعرها بايشارب وخلاص




لوع كبدي
كل مايتعلق بالشغاله حاشر نفسه فيه
اهله عودوه على كذا
تخيلوا هو اللي يشتري الالويز لشغاله امه
يعني يعرف حتى موعد الدوره شي يقرف والله

يا اختي انا ملزومة بزوجي واطفالي
مو بالناس وعزايمه
بعدين هو معظم الاسبوع يجونه
صعبه كل يوم انظف
المنطق ان اماكن الضيوف تتنظف مره او مرتين بالاسبوع

بنات اللي شايفه كلامي غلط تصحح لي
جزاكم الله خير

زوجك يبغى يطفشك وعارفك زين وعارف كيف يستفزك كل مواضيعك بايخه كل زعلك بايخ بس عرف وش الي ينرفزك واشتغل على هذي النقطه كثير بنات قالوا لك هدي شوي طنشي ترى مو انتي الوحيده الي عندك اسره وكلهم بنت وولد حسستينا عندك عشره ماعندك تدبير أمور جد الله يعيين إلى معاك بالبيت اختي نصيحه مو كل شي تزعلين وتتحسسين الدنيا ماتمشي كذا بتخسرين زوجك من كثر ماتزعلين

والله حلو اللي وافق يجيب شغاله .. شيء طيب وأنت لسى طفلين .. بعضهم يرفض بحجة أن ماعندها شيء تسويه فليش الشغاله؟؟!!


عالعموم ياقلبي أنتي تعلمي تنطشين وتفوتين .. لا تستقعدين على كل كلمة يقولها.. طنشي طنشي طنشي
ولا كأنك تسمعين ولا تروحين تناقشين ولاشيء وسعي صدرك ولا تتركين له مجال يستفزك.. هو عارف أن أي كلمه راح تثورك وراح تعصبين وتكلمينه .. وهو منبسط عارف نقطة ضعفك واستفزازك..


خليها تجي وتشيل شغل البيت لعل نفسيتك تهدأ وترتاحين وتهتمين بنفسك وتنشغلين عنه ...