شاركي في النقاش

سجلي الدخول لإضافة تعليق.

التعليقات

2,025
  1. @ghyorh_9

    السلام عليكم
    جيتكم ب اكشني ،
    اولاً يوم الخميس ماكان فيني شي ابداً
    لا الم ولا اي حاجه كلو تمام
    المهم حصل جماع ليلة الجمعه تقريباً س 3
    وبعدها كانت اموري طيبه مافي الم
    جت ساعه 5 كعادتي انام
    نمت تقريباً خذت غفوه صحيت حسرانه
    واول ماوقفت نزلت مويه مثل الفنجان انكب
    قلت اي عادي يمكن افرازات بعد الجماع
    وغسلت ورجعت انسدحت وشوي احس مثل الرطوبه
    وواقف وينزل بعد مويه نفس الكمية الاوله
    وارجع اغسل واقول عادي ماتوقعت ابداً اعراض ولاده
    بعدها جا معاي الم دوره يروح ويجي بسيط
    وكل شوي يزيد قوة الالم
    وكل مره اوقف ينزل مويه كمية فنجان
    جت 7 وانا اتالم ورايحه وجايه ع الحمام
    كتبت لاختي بالواتس اللي فيني
    قالت اكيد ولاده صحي زوجك روحي وانا بجي لك
    وانا مو مصدقه اقولها لا مستحيل اكيد الم بس كذا
    وشوي دخلت الحمام لقيت افرازات دم خفيف مره خفت ع البيبي
    وكانت 8 وروح اكل سبع تمرات تقريباً
    واصحي زوجي قوم بسرعه بولد
    ويقوم زوجي طيران ومحتاس وانا اغير ملابسي والبس عباتي ونروح المستشفى
    واختي جت معي الله يسعدها
    خلوني بالانتظار اتالم تقريباً نص ساعه
    والالم يروح ويرجع وتنزل مويات بسيطه
    وجت وقالت لازم اكشف كم مفتوح
    وانسدح وانا ميته خوف ورعب وتدخل اصابعها
    اه يالكشف مؤلم جداً وانا اصرررخ
    وقلت لها ها كم قالت مفتوح 6 ماشا الله
    انصدمت جا لي رعب خفت كنت افكر بتكشف وبرجع البيت
    قالت خلاص بنطلعك فوق ولاده 😭😭
    ويخلوني اتالم تحت نص ساعه بعد ع بال مايسوي زوجي الاوراق
    هذاك الوقت نز ل علي دم و مويات للارض بس موكثير مره ،
    ويطلعوني فوق وتروح اختي وانا خانقتني العبره
    وادخل قسم الولاده واسمع صراخ وحده واموت خوف زياده
    الحمدلله وقتها صبح ومستشفى فاضي ومافي زحمه
    حطوني بالغرفه تقريباً ساعه 10 وحطو التخطيط
    وعطتني ابرة الشرج ،
    وبعدها بدأ الطلق يحمى واتالم اكثر اكثر
    كنت احاول ماصارخ بس غصب عني
    اترجاها تكفين عطيني مسكن او كمام او اي شي
    تقول طيب ولاتعطيني شي
    مع كل طلقه اصرخ اقووى وكشفت ثاني وتعورني موت قالت 9
    وبعدها بدات احس بدفع والم قوي لايوصف
    وانا اصيح واصارخ والدكتوره تهاوشني لاتصارخين
    اقولها بموت تقولي موتي وخلي البيبي معك يموت
    وبعدها بدا الدفع وادفع مره مرتين ومافي فايده
    ماقدرت تقولي ادفعي كانكك تتبرزي
    وانا احس اني ادفع صح بس هي تقول خطأ
    ماعرفت شسوي
    بعدها ادفع وادفع قالت اي قرب راسها اشوفه
    بس انا انهلكت ماقدر ادفع اكثر
    القابله قالت بقص من شعرها اوريك انها قربت عشان تتحمسين وتقصه وتوريني هههههه
    واحاول اكتم نفسي بدون صريخ وادفع وادفع
    وتشق الدكتوره والحمدلله الحمدلله تطلع بنتي شعور والم لايوصف يا بنات😢😭 ويحطونها علي
    دافيه وزرقا وانا منصدمه من كل شي والمس فيها
    ويقصون الحبل السري ويحطونها عند وجهي
    وانا احضنها وابوس فيها ☺
    وكان وقتها 11 ونص
    وبعدها دفعه وحده وطلعت المشيمه الحمدلله
    ويخلوني ويروحون يغسلون ويشيكون على البيبي ،
    وتجي الدكتوره تنظفني عشان تبدا خياطه
    وانا انتفض واتالم واذا تالمت تصرخ عليه ليه تصرخين وانا اقولها تكفين ارحميني
    ترد علي انتي ارحمي امي ، الدكتوره شيعيه
    والقابله بعد ، بس القابله كانت تجنن الله يسعدها
    وعاملتني زين بس الدكتوره سيئه الاخلاق
    المهم اترجاها عطيني مسكن وعطتني ابره وبدات تخيط وكان الالم بسيط هين عند الولاده
    طولت مره وهي تخيط فيني تقريباً ساعه
    وانا طول الوقت عيني ع بنتي خلوها تصيح وراحو ،
    وانتهت الخياطه وخلوني بغرفة الولاده مع بنتي تقريباً ساعتين وهي تصيح ومحد معطيها وجهه
    بعدها
    جابت لي القابله غدا وقتها كانت الساعه 1 ونص
    قالت اول تاكلين بعدين تقومين، وكليت وقمت غسلت ونزلوني غرفتي والحمدلله يارب
    الم الطلق بالبدايه محتمل تقدرين عليه
    بس بعدها الم لايوصف والم خروج الراس
    شي ماتوصفه الكلمات ابداً تعجزين تعبرين
    سبحان الله ،
    عانيت بعد الولاده بما اني حكومي
    حطو البنت عندي بالبدايه نايمه بعدين بدات تصيح
    وصعب علي بعد الخياطه اقوم وارفعها من سريرها
    وتصيح ماعرفت ارضعها ، عطوني رضعه وحده بعدها
    رفضو يعطوني وهي تصيح طول الليل والصبح جايعه
    عطيتها صدري كانت تمص بس مايطلع معها شي وتموت صياح ،
    الحين بفترة النفاس الم الخياطه متعب جداً
    يعني صعبه اجلس وامشي وصعب علي ارفع بنتي من السرير بس غصب علي ،
    وبنتي بكايه ماتخليني انام الا ساعه احس تعبت نفسيتي .، الحمددلله ع كل حال.
    يا بنات لاتنسون الدعا بالولاده الهينه السريعه
    واني ادخل المستشفى ومفتوح اكثر من 4 هذا كان دعائي
    والحمدلله ولادتي اعتبرها سريعه كانت رحمه من ربي
    اتوقع لو كانت وقت اطول مت ،
  2. الحمدلله على سلامتك غيوره والله يخليها لك يارب 🌹
    مررره تفاعلت مع اكشن ولادتك لدرجة قمت ادف اشوف اعرف ولا لا 😂😂
    يارب سهل علي وارزقني الولاده الطبيعيه بجرب هالشعور
  3. @om_fofo_2

    غيـوره
    السلام عليكم جيتكم ب اكشني ، اولاً يوم الخميس ماكان فيني شي ابداً لا الم ولا اي حاجه كلو تمام المهم حصل جماع ليلة الجمعه تقريباً س 3 وبعدها كانت اموري طيبه مافي الم جت ساعه 5 كعادتي انام نمت تقريباً خذت غفوه صحيت حسرانه واول ماوقفت نزل…
    ياااقلبي 😢 الحمدلله على سلامتك وحسبي الله على هالدكتوره الله لايكثر من امثالها يارب ،،،والحمدلله ان ولادتك كانت سريعه ولاتعذبتي عندهم 😔
    وكل شي بأجره ياحبيبتي والله يعظم لك الاجر يااارب😢
  4. @dunaa

    غيـوره
    السلام عليكم جيتكم ب اكشني ، اولاً يوم الخميس ماكان فيني شي ابداً لا الم ولا اي حاجه كلو تمام المهم حصل جماع ليلة الجمعه تقريباً س 3 وبعدها كانت اموري طيبه مافي الم جت ساعه 5 كعادتي انام نمت تقريباً خذت غفوه صحيت حسرانه واول ماوقفت نزل…
    الحمدلله على سلامتك والحمدلله على سهالة ولادتك وعقبالنا بالولادة السهلة ويسخر لنا من بيودلنا

تابعي تجارب أخرى من هذا القسم.