🎉🎉 تباشير السعاده الخامس لأحلى مواليد ينــــاير & فبــــراير 🎉🎉

وياكي يارب

حنين النسيم حلوه اصحاب البيت 😂😂😂😂
الله يرزقنا جميعا ساعه سهله وميسره

الله يبارك فيكم 💖💖
وربي يسسهل ولاداتكم وتقومون بالسلامه 😭💖
اكشن ولادتي
كان عندي موعد الخميس اللي فات قالت الدكتوره باقي لك اسبوع وتخلصي التاسع تبغين اسوي لك تحفيز
قلت اي عادي وسوت لي كانت يدها خفيفه جدا
وقالت ان الرحم فاتح 2 سم وان عنق الرحم رقيق
حمدت ربي قلت فرجت ومن الخميس يجيني طلق خفيف واللي هلكني تحجير البطن مانام زين منه
المهم كل يوم اقول ولاده ولاجت😢😂
قبل امس بالليل جاني ارق عيت انام ولمن نمت صحاني الم في فخذي مره ذبحني واتذكر البنات يقولون لو برد وكذا دفي زيت زيتون ودهني بطنك
انا دفيت زيت زيتون ودهنت فخذي قلت ابغا الالم يخف وارتاح خف شوي بعدها سويت فطور وافطرت
الا احس بشعور غريب تبغين الحمام ولمن تروحين ينزل شوي منك بس
وكنت اشوف افرازات مخلوطه بدم وقتها عرفت اني قربت
لان بدا بطني والم طلقه تجيني سوا
قلت بصبر شوي الا خفت اولد بالبيت واروح للمستشفى
وصلت المستشفى الساعه 12 الظهر على ماحطو جهاز التخطيط وجو يقيسون صارت وحده المهم الدكتوره تقول انتي خبره فالالم كان ماجيتي شوفي طلقه كل نص ساعه 😒 قالت بكشف اشوف كم فاتح الرحم الا فاتح 3.5 سم
قالت ساعتين وارجع لك كانت يدها قويه بالكشف
مازلت اتالم من تحجير بطني احسه يكتم نفسي
رجعت بعد ساعتين قالت اربعه سم حسوي لك تحريض
يوووه يالتحريض حسيتها تطلع الرحم من قو ماحركت اصابيعها جوا😭😭
المهم وتبدا الالم قالت برجع بعد ساعتين
الالم صار متقارب كل ربع ساعه وكل عشر دقايق
واحس بدفع مع كل طلقه المهم جت بعد ساعتين ولا معها دكتور مسكت كشفت وكلمة الدكتور بالانقلش وجا الا يدخل يده يكشف حتى ماسالوني😒
بغيت ارفسه برجلي والله الا يقولها 6 سم مفتوح
وقالو بنصبر شوي ونرجع لان لسى الطلق متباعد
انا انجنيت الطلق هلكني😭
وقالت امشي عشان المويه تنزل عليك
مامشيت مافيني مع الم الطلق
المهم فجأه تجيني الرعشه رجولي ويديني وحتى فكي
وجبهتي معرقه جت السستر شافتني قامت مسحت جبهتي ونادو الدكتور قاس الرحم 8 سم قال يالله طلعوها غرفة المخاض ويطلعوني بالسرير تخيلو خلوني بالغرفه
رجولي ماعليها شي بس اللحاف ع بطني وانا ارتعش اسناني تحك ببعضها😭😭 وانادي اقول احس بالدفع وتشوف تقول اذا في الم دفي وهم ماعندي احد 😢
المهم بعدها جاني الدكتور الساعه 7 العشا ويفك كيس المويه بدبوس انكب شي حااار مثل طلوع الراس والجسم اقولهم خلاص ولدت😂 طلع المويه ذي بعدهااا قامو يصيحون يالله دفي كمااان كماااان خذي نفس
وانا خلااااااص ابغاا الخلاااص
عطيتتتها دفعه قووووويه مرا واحس بالراس خلاص وصل
شوي ويطلع قالو خذي نفس
جا الالم وقالو هيااا دفي باااقوى ماعندك شوفي الراس ماسكينه 😢
وادف دفه قووويه وراهااا دفه وطلعت بنووتتي الحمدلله
واقول ايش فيها ماتبكي 😢
قالو ذحين تبكي شوي الا تبكي😭 شالوها وغطوها بمنشفه
وجلست الدكتوره تحت تقول يالله كحي ودفي باقي المشيمه
دفعت مرتبن والحمدلله طلعت المشيمه بعدهاا خيطوني غرزتين بس
قالو ماتحتاجين زياده
والحمدلله كلها لحظاات وانتهى الالم 😭
يارب احمدك واشكرك ع كل حال
طبعاً ولادتي كانت بالحرس الوطني
طلبتهم ابره ظهر قالو مي كويسه احسلك تحملي كم ساعه بس
طلبتهم كمام قالو كل الكمامات خربانه قلت للستر سبحان الله كلو خربان قامت تضحك
قبل الولاده بيوم جتني عصبيه
تعرفون بنات قبل لاتجيك الدوره شلون تعصبين من اي شي نفس الشي جاني اضحك فجاه خلاص اقلب واصايح 😢
يالله طولت عليكم 💖💖

الجو حلوو مطر خفيف وغيم بس فيه هواء وبرد الله يعين

ياعمري انا كله بااجره

كلنا قبل الولاده نقول مابنروح لين خلاص ويوم يجي وقت الجد يبدا الخوف