اقرو سالفتي المهمه لكل محتاجه باحثه عن العمل

السلام عليكم
ابدخل بسالفتي على طول هي طويله لكن اقروها وافهموها
اليوم طحت بالانستقرام على واحد قال عند 20 وظيفه نسائيه اللي تبي تتوظف تراسلني واتساب وراح يكون الدوام الترم الثاني انا صارت عيوني قلوب وافرح واقول اخيراااا فرجت 😍😍😍
المهم على طول اخذ الرقم وارسله لرجل من اهلي واقوله كلم الرجال وتفاهم معه وش سالفته المهم مايصير بالموضوع رشوه وقالي طيب علشانك والا انا ماعترف فيهم كلمه على اساس انه بنت 💁🏼وقال الرجال اللي عنده الوظايف ابشر وين تبي الوظيفه قاله قريبي وين نبيها قال تم بشرط ارسلي الشهاده بالواتس وابي 3000 مقدم و3000 بعدالوظيفه انا قلت مايخالف دامها مب رشوه يعني مب هو المسؤول عن الوظايف لاني سبق وسالت شيخ وقالي اذا الوظايف مب تحت ايده يمنع الكفوء ويوظف اللي يدفع له واذا ماراح يدفع هو رشوه هذي حرام الباقي تعتبر سعي
قاله قريبي اعطيك الشهاده و6000 كاش بس ارسلك اخوي يقابلك ويعطيك اياه والله يابنات ماعاد رد ولاكلمنا ولايرد علينا طلع لعااااب
انتبهووووا وانتهبوووو من هاللي يستغلون حاجه الناس قعدت اسولف مع اهلي قالي اخوي معروفين هذولا ياخذ من 10 او 20 وحده ويكسر شريحته
ويله روحي طالبي بحقوقك
المهم اني انصدمت وانحرق قلبي خلاص خططت وش ابلبس للدوام وبنتي اخترت لها حضانه خاااب ظني ودعيت عليه حسبي الله ونعم الوكيل قلت يمكن انه يخاف ان اللي يراسله جهه حكوميه وبيصيدون حقين الواسطات قالي قريبي واخوي نفس الكلام محد فاضي لهم وهذا نصاااب الله لايحلله شاوفت وطرت للسماء مير الله يعوضني بالترم الثاني الوظيفه الحكوميه الرسميه اللي تسر قلبي وخاطري

10 تعليق 1,303 مشاهدة

شاركي في النقاش

سجلي الدخول لإضافة تعليق.

التعليقات

10
  1. @khlst_alasamy_aan

    صاحبة الموضوع
    انتبهوا واحذركم يمكن هذا بياخذ رقمي الاحوال او اسمي او معلومات عني ويستغلها
    اي احد ماتعرفونه شخصيا ومب جهه رسميه لاتعاملون معه ترى القانون لايحمي المغفلين
    صراحه تمنيت ابلغ عنه يتابعون رقمه وقلت لقريبي علشان يمكن وحده على نياتها وترسله ويستغلها
    ا
  2. @ampabcamp

    معروفه اللي فيها دفع فلوس رشوة كيف ماهي رشوة
    بالعربي يعني عنده واسطه وذي كثير يرحون له
    وكثير نصاابين ومازال ناس مصدقينهم
  3. @khlst_alasamy_aan

    صاحبة الموضوع
    &ABC&
    معروفه اللي فيها دفع فلوس رشوة كيف ماهي رشوة بالعربي يعني عنده واسطه وذي كثير يرحون له وكثير نصاابين ومازال ناس مصدقينهم
    لا اسالي شيخ
    تصير سعي هو يدخل على المدير ويكلمه وكذا لكن مايدفع للمدير شي
    فياخذ جهده انه راح وكلمه وانه جابلك بعد الله وظيفه

    سبق وسالت شيخ قهر كنت حافظه المحادثه بس راحت الصور الله يخلف

تابعي تجارب أخرى من هذا القسم.