الي سألتني عن العمليه ..
هي من اسمها تخوف .. بس لا تقري شيء عن مخاطرها ولا تشوفي فيدوهات .. خليها على ربك ..
اقرأي بس كيف تتعاملي معها بعد ماتسويها ..
اش تاكلي اش تشربي اش تسوي .. بس لا توجعي راسك بتجارب البنات .. لان كل وحده تختلف عن الثانيه ..
وثقي تماماً انها رحمه من الله .. والا كيف ممكن نولد احنا الي مايحينا طلق ولا ينفع معنا الصناعي ؟!
او الي يكون جنينها مقعدي او او او ..
حالات كثيره لما تفكري فيها تقولي الحمد لله انو في حل العمليه هذا فضل من الله اسأليه الخير فيها ومنها واسأليه يكفيك شرها وتوكلي على الله ..
وبالنسبه للبنج انا كم مره قلت البنج النصفي ناسبني الحمد لله وارتحت عليه مع انو لما سووا لي اياه كنت ابكي وخايفه واحس ان طبيبتي اجبرتني عليه ..
بس بعد ماولدت وطلعت للغرفه قلت الحمد لله فعلاً الانسان مايعرف وين الخير له ..
ماتتعبي بعد الولاده زي الكامل .. ممكن تصدعي انا ماصدعت الحمد لله وعشان تتحنبي الصداع ماتنامي على مخده زي ماقالوا البنات هنا الله يسعدهم ..
والاهم انك تحسي بالبيبي وتشوفيه وتسمعي صوته لما يطلعوه .. شعور حلو انحرمت منه في بكري لانو كان بنج كامل ..
اهم شيء اهم شيء توكلي على الله واطلبي منه الخير دائماً في قومتك وقعدتك وصلاتك ..
اسأل الله ان يكتب لي ولكم الخيره في كل امورنا وان يسهر لنا من يخاف الله ويتقيه ..
🎉🎉 تباشير السعاده الخامس لأحلى مواليد ينــــاير & فبــــراير 🎉🎉
متابعة النقاش، صفحة 194