القمل 😢😢

استخدمته بس مالقيت نتيجه

اتبعي الخطوات اللي راح اذكرها لك وبأذن الله يروح خلال اسبوع
اولا اخلطي زيت زيتون وخل تفاح او عادي بعدين غرقي الشعر فيه وخليه ساعتين بعدين خذي مشط القمل وابدي امشطي الشعر بيطلع لك القمل بس تكونين حاطه منشفه تحت الشعر وجنبك مناديل علشان كل ما طلع شي تحطيه فيه
وبعدها غسلي الشعر بتايد ثم اغسليه مره ثانيه بشامبوا القمل واخر شي حطي البلسم لان الشعر بينشف من التايد
ثانيا رشي الغرفه اللي تنامون فيها بالتايد وركزي على المخدات واللحف وبعدها شيلي المخدات واللحف واغسليها والافضل بمويه حاره وغسلي ربطات الشعر والشباصات وحاولي تعقمينها بمويه حاره
ثالثا حاولي تنظفين بيض القمل من الشعر اللي هو الصيبان تسحبينه من الشعر ووحده قالت ان فيه جهاز في الصيدليه يسحب الصيبان من الشعر
استمري لمده اسبوع كامل يوميا نفس الخطوات وراح تدعين لي بأذن الله
اذا القمل في الاولاد حلقيه الشعر وارتاحي بس لازم تعقيم الغرفه وغسل المفارش واللحف يومي

بالفعل في جهاز كهربائي يسحب القمل

يسعدكم ربي ماقصرت

انتبهي الزيوت على الشعر تسبب القمل اذا كنتي تحطين لهم زيت و تخلينه في الشعر بدون غسيل..بقولك على طريقة ترتاحين فيها من القمل ان شاء الله غسلي شعورهم بالشامبو العادي وكثريه وارغيه في كل الشعر ولبسيها كيس واربطيه والشامبو في شعرها مدة ربع ساعه راح يتصروع القمل او يموت عساه للماحي هههههه وبعدين اغسليه واشطفيه بمويا وخل تفاح وبعدين مشطي لها شعرها بمشط القمل تحت الدش وابدا لا ترجعين المشط في الشعر قبل ما تغسلينه يعني كل خصلة تغسلين المشط بعدها قسمي الشعر خصل لين ما تخلصينه كامل طلعيها واستشوري لها شعرها وسوي لها سيراميك حرارة السيراميك تقتل البيض الباقي ..استمري عليها ثلاث ايام متتاليه او لين ما تحسين الشعر نضف اي يوم تتخلفين فيه اعرفي ان القمل راح يزيد ضعف لانه سريع التوالد ولازم يقضى عليه بسرعه ..غيري لهم فرش الشعر وغسلي لهم بكلاتهم ومناشفهم وشراشفهم وكل شي يخصهم وباذن الله بترتاحين منه للابد..