الازواج والخيانات موضوع للنقاش
مرحبا بنات انا مثل ما واضح بالعنوان، كل ما ادخل المنتدى الاقي الحريم يشتكون من ازواجهم اللي يخون واللي يكلم بنات واللي واللي...واذا واجهته زوجته يقوم الدنيا عليها وانتي ما دخلك شو صاير للرجال يبي يخون ويكلم ويسوي اللي ييي وزوجته ممنوع تتدخل فيه طيب ليه تزوج دامه يسوي كذا خلي يضل عزابي ويعيش عزوبيته لين يشبع وبس يحس حاله شبع من هالسوالف يتزوج ويمشي عالصراط المستقيمم والله تلاقون حرمة ملكة جمال وزوجها يكلم مليون وحدة ولا شايف انو عندو حرمة تسوى نسوان العالم يعني كل ما ادخل المنتدى كل الحريم يشكون الله يهدي هالرجال والمشكلة صرنا بعصر كل شي مباح التكنولوجيا سهلت كل شي والرجال ما صدقوا يدخلون يغازلون ويدلعون البنات وزوجته كلمة حلوة ما يسمعها شو اللي عم يصير طيب بتقولون خليك كاشخة واتدلعي وسويله كل شي يبي كيف الحرمة يكون لها نفس تسويله هالشي وهي عارفة انو بخونها وبكلم غيرها وهو ما يقدر شي يجلس فالدوام عالمواقع الاباحية وبرامج الدردشة او هو وجالس فالبيت طيب شو الحل تطنيش مو كل النسوان تقدر تطنش وبتضل غصة بقلبها وما فيها تحط حد له اكيد ضعف الوازع الديني يخلي الرجال يسوون كذا يعني كل الرجال ما يخافون ربهم برأي انا انتو شرايكم، الميكرو لكم.