زوجي هل هو مدمن

الله يعينك يا ليت تكلمين مستشارين متخصصين في ذي الحالات.
طيب عمرك ناقشتيه في وضعه و هو رايق أتوقع لو يأخذ شيء ليه يتركه أيام و يرجع طبيعي ؟ شيء محير الله يفرج همك

اتوقع انه عسكري من مشكلتي مع طليقي عرفت ان كثير من العسكر كذا - الا من رحم الله -
طليقي اسوأ من زوجك ماينام ابد ولو نام نام ساعتين ثلاث وخلاص
وجنني معه كل شوي يبكي ويشكي عندي وعند اهلي وعند الناس
انتي بس نايمه وانتي ماتهمتين فيني ! مع انه هو اللي مو طبيعي انا نومي عادي
اللي خلاني اشك انه يتعاطى خوفه الشديد من كل حبوب معي ياخذها ويقرا الروشته وياخذ حبه منها معه اتوقع يحللها ! وهي كلها فيتامينات ومكملات غذائيه وايضاً خوفه وارتباكه اذا قالوا له اخوياه ان عندهم تحليل للمخدرات يجلس يكلم طول اليوم وعلى اعصابه !
بس تصدقين انا خلعته ولا ادري للان وش سبب هالتصرفات
ماقدرت اصبر شهرين بس وخلعته احس اني انجنيت

اتوقع مدمن واتوقع الكابتوجن
بنات من تعرف احد كان مدمن كابتجون وتعالج وشفى من اثارها بهالسنوات

انا بفيدكم بتجربتي بس لاتعممونها على الكل،انا بس اعرف زوجي وثلاث من قرايبنا الله يشفيهم،ماتركوا الكبتاجون ابدن ولو تركها ست شهور ورجع لها،وقد قريت وسمعت انها ممكن تاثر على مخه وعقله،حتى بعد العلاج والإقلاع ولاكن ماأحط في ذمتي وأعمم،بس والله لو وحده زوجها مدمن والله لاقولها لاتصبرين اذا تبين الراحه النفسيه والأمان والخير بإذن الله ، وبحكم تجربتي المأسوايه نفسياً جداً تعبت وحالياً طالبه الطلاق واذا رفض او تأخر بأخلعه،وحسبي الله ونعم الوكيل الله ينتقم من كل ظالم وظالمه

جزاك الله خير ي قلبي احس انك فهمتي علي فعلا وضعه محير واناقشه انا وقت هالحالة يعصب..