🍼🐣التجمع السادس لأمهات مواليد مايـ..5..ـو & يونيـ..6..ـو🐣🍼2016

ورحت محل زدي
شفت شنطه اطفال لونها فضي جلد وفيها لمعه حلوه
😭❤
وقماشها حلوووو سعرها 200 وشويه
وبرضو شكلها غير طفولي
جد يابنات عجبتني نفسي اشتريها كمان 😂
بس للاسف ماصورتها
،،


بمسك نفسي خلاص ماصارت شنط شنط
<< اقنع نفسي بنفسي

ورحت سنتر بوينت
اولآ غمضت عيوني من الملابس
لاني مكتفيه عندي ملابس بكري نضيفه وحلوووه
وباخد الناقص
كانت ناقصتني بطانيات
اخدت 2
واخدت قفاز لليد وحده بس بـ 8 ريال
وناقصتني قبعات بس ماشفت شي 😐
والمهاد الاصق ماحبيتها ابدا
بطلب المهاد الاصق من الانستقرام
وناقصتني كوافيل برضو ماشفت او يمكن ماانتبهت
وبرضو كنت ابغى اخد بربتوز ابيض او سكري
ماشفت !!
لان الي عندي ملونه مافي حاجه ساده
ودورت حاجه اخدتها في بكررري روووووعه
شكلها يجي زي الثوب قطني وفيها اكمام طويله
مرا حلوه بس ماكانت موجوده تنفع للاولاد
والبنات
قلت خلاص كدا اكتفيت
المرا الجايه بشتريهم
لاني ماابغى الف كتير بالسوق كل مرا الف شويه
ودحين بكمل الاغراض نهايه الشهر السادس
على خير يارب

وطلبت من تاجره طقم كروشيه
وكلمتني اليوم ان الطلب جاهز الحمدلله
بس بكلم زوجي بكرا يحولها الفلوس
وبعدين تشحنها ليا
ان شاء الله اذا وصل الطلب وشفتها على الطبيعه
رح اقولكم رائي بأمانه و اعطيكم حسابها
ماشاء الله سعرها حلو سوتلي مهاد وقبعه وبيت رضاعه
بـ 150 ريال
بخليها للبيبي بأستقبال الضيوف بالمستشفى
وكمان استفيد منها بالاستقبال ببيت اهلي
دحين اوريكم صورتها
هي صورتها ليا و ورتني

على فكرا حجمها صغنن
تنفع للمواليد لاني قلتلها
ابغى حاجه قد مولود صغير لاني البسو بالمستشفى

وقالتلي اوكي
بس بالصوره تبان كبيره 😄

رحت رد تاغ
اخدتلي روب قطني قماشو يجيب النوم
بخليها للنفاس لما اكون ببيت ماما
حبيتها عشان فيها ازارير من قدام تنفع
للرضاعه - وقماشها بارد عالجسم
كانت بـ 65 وبعد التخفيض اخدتها بـ 25
،،،