ماعزموني على عرس حماتي اللي هي بحسبة اختي

السلام عليكم
كيف حالكم


حماتي يتيمه وكانت عايشه عند اخوها وبعدين جت عندي لها تقريبا سنه
انا اعتبرها والله ويدون مبالغه اكثر من اختي وقلبي على قلبها وتحبني واحبها وتساعدني واساعدها سافرنا سوا رحنا سوا تمشينا سوا داومنا سوا
بالحييييل وياها بشكل ماتتصورنه حتى اذا غلطت عليها اروح اراضيها وهي نفس الشي
وربي كتب ان يجيها النصيب وجو الناس وشافوها وقمت بالواجب مع اخواتها وملكت واستقبلنا المهر وفرحا لها وهي فرحااانن بعد


ساعدتها بالتجهيز طبعا مارحت وياها كانو اخواتها ياخذونها بس طلبت مني ارقام وعطيتها وصرت اجمع لها ارقام معارض الحريم واسال اخواتي عشانها وكلما شفت شي حلو علمتها فيه


وهي تحبني ودااايم تحرصني اني اجي عندها بالفندق ماراح تنزف بالصاله من الفندق للببتها
وحتى عازمتني على الصالون اللي بيسوي مكياجها وشعرها ومحرصتني ع الحضور وتقولي انتي اول الناس عندي


انصدم بليلة العرس اللي هي اليوم ان اخواتها رافضين احد يجي عند العروس بالفندق مخلينها خصوصي بينهم وبين اختهم والمسكينه اختهم ماتدري وهي تبيني وانا ماكلمت العروس عن اللي صار لان باجر عرسها ونايمه الحين ونفسيتها شوي تعبانه تعرفوو التوتر والارتباك


اوكي هذا من حقهم بس ليش مابلغو من قبل ان محد راح يجي عشان ماافصل فستان بمبلغ وقدره واحجز صالون وابلغ خواتي


قسم بالله خاطري احضر بس عشانها هي خاطري اشاركها الفرحه معتبرتها اختي وربي يشهد وهي نفس الشي وهي مابيدها شي ماتطلع من شور خواتها


متحمسه بالمره لهاا اتذكر ايامنا قبل وروحتنا وجياتنا واعظم فرحه بحياتها مااكون فيها


والله حز بنفسي وقعدت ابجي ليش معتبريني غريبه عنهم وهي عايشه عندي

58 تعليق 9,931 مشاهدة

شاركي في النقاش

سجلي الدخول لإضافة تعليق.

التعليقات

51
  1. @mlath_alkoyt

    صاحبة الموضوع

    المشاركة المقتبسة غير متاحة.

    زوجي مسافر واشتكيت له

    مااقدر اقول بوجههم بس اذا سوو حفله بعد العرس لاختهم ماراح احضر ابيهم يعرفون اني زعلانه
  2. @dmoaa_alryad66

    روحي مع زوجك وادخلي لا دخل على اخته وسلمي عليها
    وباركي واطلعي دام العروسه تبيك هذا اهم شي
    يعني مافرضتي نفسك صيري اقوى الضعف مايوكل عيش والدموع 😢
    طمنينا وش يصير معاك
  3. انتي لك ب العروس احظري عشانها وما عليك شين وقوات عين والله اهم شيء العروس تبغاك لا تكلمو قولي العروس عازمتني وما يقدرو ينكدون ع اختهم
  4. @mlath_alkoyt

    صاحبة الموضوع
    زوجي مسافر وماراح افرض نفسي على ناس مايبوني واذا سألت العروس ليش ماجيت راح تعرف من منو السبب
    حتى مااعرف اسم الفندق مخبينه عن اختهم بحجة انها مفاجأه😅😅😅😅
  5. @algthab_9

    مافهمت كيف بس بينها وبين خواتها بالفندق


    العرس بفندق؟ واكيد العرس للاهل والحبايب


    ولو انا مكانك رحت وماعلي مِن احد
    العروس هي اللي تأمر وتنهى فِے عرسها وتعزم بكيفها هم وش دخلهم
    ويمكن لـو ماحضرتي قالو لها شفتي انها ما تعزك ولو تعزك جات !

تابعي تجارب أخرى من هذا القسم.