🎉🎉 تباشير السعاده السادس لأحلى مواليد ينــــاير & فبــــراير 🎉🎉

هنديه

تسلمي ياااقلبي
ونعم بالله. الحمدلله على النعمه ما بالك حد سعى وتعب وتالم ودفع الاف. و انهلك جسمه من الادويه الحمدلله على كل حال.
اكيد كل شي جديد نخاف منه عمليه ومسئوليه وطفل بس باذن الله بتكون حياتنا حلوه وبغيرها الطفل بالبيت يعمل جو ثاني وعلى كثر التعب والتربيه لكن يفرح قلب امه وابوه بكل حركه وضحكه منه.
ياربي يتمم لنا على خير.
انا دكتوري لما شافني وش كثر خايفه اقوله بشقون بطني دكتوو ماهو شي سهل ضحك علي وقالي راح تشوفي بعدين انك خوفك ما يوصل لهدرجه.

بكريه وخايفه من الولاده
ويجيني وسواس ان البي بي بيضيع او يخربطون فيه
تحملوني بس جد قمتتتت اوسوس بشكل

معاك حق مادلين
بالعكس زي ماقلتي زوجي انسان عاقل وكويس وما يجرحني من هالناحيه. بس مشكلته حسااس مره ويستكره واذا يحط شي في باله صعب ينساه. يعني مثلا فحص السونار من تحت مستحيل يكون معاااي يقولي مااقدر كيف وانا زوجك ماادري كيف تفكيره. وقيسي اشياء كثيره كذا. يعني لو كنت بولد طبيعي والله لو اموت ماادخله معي
مثلا شافني اغير قبل كم يوم احس نظراته كلها استغراب بس قالي الله يعينك. ومرات يقول لو ظلينا زي ما كنا طبعا مش من قلبه اعرفه من داخله فرحان بس هو خايف زي علشان متعود انه حر وعمله سفر ومشغول ماهو متعود مره على الالتزام وانا متفهمه معه من هالناحيه وخايف علي مره يقولي بس اشوفك بخير ومتعافيه بعد الولاده قلبي بيطمن. فأنا وهو اثنينا مشاعرنا ملخبطه. بس هانت كم يوم وباذن الله تتغير حياتي للافضل وتكون هالافكار مجرد افكار طبيعيه تجي للانسان لما بيقبل على شي جديد بحياته

الحمدلله من قبل ومن بعد

شيفون صحيح ابليس شاطر. والحمدلله على النعمه. هانت ما بقى شي الله يهون علينا ويخفف عنا باذن ما يجي اكتئاب. يمكن من الانتظار هالكم يوم احسهم ما يعدو بسرعه مع انه كل يوم اطلع لي حاجه اعملها. تحملوني اشوي وبجي باذنه ابشركم.


انوقه اتركي يوم راحه ثم ارجعي استأنفي العمل علشان يمديك تخلصي.
وبالنسبه للمشاعر زي ماقالو البنات وزي ماحنا نعرف شي جديد لازم بنخاف منه بس باذن الله الله يسهلها ويجي من يملء البيت فرح وزوجي لا مش من النوع اللي يخوفني بالعكس يطمني ويهديني ويعطيني هو وامي القوه وحاسين فيني ومقدرين مشاعري الله يجزاهم خير مستحيل انسى كل اللي عملوه علشاني. الله يطمن قلوبنا ويقر اعيننا يارب.