شاركي في النقاش

سجلي الدخول لإضافة تعليق.

التعليقات

2,002
  1. ام اياااد22
    ساندرا انا مع كلام ام اصيل انا بااولادي مااشتريت قمصان نفاس لان بالاربعين خالاتي اللي يجوني وانا متعودة عليهم مابيننا رسميات وبعد تقريبا شهر او اكثر يجوني الباقين فمايحتاج البس قميص وذي المرا احتمال اخذ واحد او اكنسل يعني شي مو ضروري …
    يختي ردك بوريه زوجي بقوله شوف الناس يقولو مو ضروري
    اانا حضيع في اللبس ده مشان هيك كارهته ومنتظرة احد يدعمني (:
  2. صاحبة الموضوع
    بنثر لك ورودي
    السلام عليكم امهات انا ببداية شهري السادس ونفسي اجهز بس احس نفسي ضايعه مدر وش ابدأ به ولا لسه بدري افصل دولاب للنونو ولا اشري جاهز والملابس وش اخذ ما ابغى اشري كثير بس حق الاربعين يوم بعدها اشري غيرهم الشنطه لازم اجيبها خاصة للاطفال ول…
    اوكي ياقلبي دحين اقولك
    دامك ملخبطه وحايسه
    اولآ المحلات اغلبها تخفيضات
    ف استغلي الفرصه ؛:
    بربتوز خارجي
    تحتاجي 5 نيو بورن و 5 من 0 - 3
    و 4 قبعات قطنيه
    و 2 قفاز ليد النونو عشان مايخرمش وجهو
    و 2 شراب حجم صغير
    و 2 بطانيه
    و 4 كافوله
    و 2 او 3 مهاد لاصق ابو شكشك
    6 بربتوز داخلي
    وحاجه حلوه تلبسي النونو
    باستقبال المستشفى
    وحاجه حلوه لاستقبال الضيوف بالبيت
    ومنشفة استحمام
    وخدي منشفه صغيره
    عشان تحطيها على كتفك
    لما تطبطبي على ظهر النونو بعد الرضاعه
    عشان لايستفرغ
    ف حطي المنشفه على كتفك

    اما الكماليات التانيه للنونو
    تحتاجي شنطه لاغراض النونو
    تاخديها اي مكان لما تخرجي
    مع مفرش تغير واهم شي الشنطه تكون مقسمه

    وخدي اسفنج استحمام
    لان النونو ببدايه الايام يتروش عالمغسله
    ولازم تحطي اسفنج تحتو

    وترمس مويه وقصاصه اظافر
    ومشط وشفاط الانف للزكمه
    ورضاعات وفرش لتنظيف الرضاعه

    وادوات النظافه
    تحتاجي شامبو وصابون ومرطب للجسم
    وبودره جسم
    وبودره للسره ومسحات طبيه للسره

    وشال رضاعه اذا حابه
    تلبسيها عشان تقدري ترضعي

    دي الحاجات المهمه بفتره الاربعين

    اما تفصيل الدولاب
    الافضل تخليها بعد الولاده
    برواقه
    انا في بكري فضيت الادراج
    الي تجي طقم مع سريري
    اقصد ادراج الشوفنيره وحطيت فيها ملابس
    نونتي
  3. صاحبة الموضوع
    شوووقلاطه سكرز
    http://up.harajgulf.com/do.php?img=473481
    ماشاء الله
    الشنطه جلد وحلوه وغير طفوليه
    وشايفه انو فيها سحاب من برا 👍
    واكيد انها مقسمه من داخل
    انا ماانصحك تاخدي شنطه تانيه
    دي جدا مناسبه
    بس من جوا ان شاء الله واسعه ومريحتك ؟

تابعي تجارب أخرى من هذا القسم.