🍼🐣التجمع السادس لأمهات مواليد مايـ..5..ـو & يونيـ..6..ـو🐣🍼2016

ماشاءالله ياام اصيل اغراضك حلوة
حمستيني اروح السوق بس ماسكة نفسي عشان المشيمة ولاني ماعرفت جنس البيبي
اتوقع لو شفت تجهيزاتك بدري كان على طول عملت سونار وبعدها على سنتر بوينت😂

دا السرير الي حسيتو مناسب لغرفتي
بس ماابغى استعجل
،،

كيكه صح كلامك انا كنت افكر كدا بس الي كان ناقصني من الملابس اشياء بسيطه بس لمن شوفت التخفيضات خلاص اشتريتها من المول وكنسلت فكرة السعر المنافس والهرم ..
طبعا لو مافي تخفيض مستحيل اشتري حق بيت من مذركير بس لمن شوفت 3 بربتوزات سعرهم 70 ضعفت واشتريت ولو روحت المحلات الرخيصه حوفر شيء بسيط ابو 10 ريال ممكن ..

يلا ان شاء اسبوع ونص تعدي بسرعه
على خير
،،
اما عاد تخيلي يجيبو ورديات
ويطلع ولد 😂
لاياشيخه خلاص لاتفكري
شكلها بنوته اموره
انا من مراجعه وحده قالولي ولد
واعتمدت خلاص لاني شفت العضو
بعيني
لو ماشفت كان منجدد اوسوس
،،
ايوا انتبهي للحبوب
انا بصراحه صايره دي اليومين اكل شكولت
وخربطت
الله يهديه زوجي يجيب دي الحاجات
مااقدر امسك نفسي 😔
غصبا عني اكل
بس اكلي قد مافيا مخليتو صحي
بس لازم فجاه بيدي شكولت
او شبس او اي حاجه مالها داعي💔

ايوا الكوافل مرا حلوه
اخدتهم وانا ماادري انو عليها تخفيض
مو حاطين ورقه ولا اي شي
بالبيت اكتشفت انها مخفضه
ف عشان كدا اي حاجه تعجبكم
وماشفتو فيها ورقه تبين انها مخفضه
اسالو واتأكدو
ووكنت باخذ كمان 3 زياده
بس زوجي قالي كتير 6 😒
وانا عارفه انو اكتر شي يستهلك الكوافل
بس ماحبيت اشد بالكلام واعاند
مسكت نفسي 😔
وكمان في كوافل مرا حلوه
تجي كل حبه لحال لما مسكتها كانت قطنيه
وتتمط بس مكتوب سعرها 159
يعني حسيتو غالي
والله اعلم اذا عليه تخفيض
لان مو مكتوب ،،
وكمان شال الرضاعه قلت بشتريها بعدين
زوجي وترني
مايعترف بهالاشياء يحسها خرابيط😂
قلتلو الله شال رضاعه 😍
قالي والله مالو داعي ايش شال رضاعه
ف عشان كدا قلت بشتريها مع ماما 😁
ومنها اشوف شال الرضاعه الي
بمذركير
لاني يادوب دخلت مذركير
واذن واخدت الحاجات الي ابغاها وطلعت
المرا الجايه بشوف شال الرضاعه

بخصوص رباط الكافوله
والله حتى انا ماكنت اعرف
احسبو مقطوع ولا فيه خلل من الشركه
😂
بعدين الحمدلله عرفت طريقتها
وقلت يمكن في وحده زيي ماتعرفلها
واهم حاجه استفدتي 😘😘❤