🎉🎉 تباشير السعاده السادس لأحلى مواليد ينــــاير & فبــــراير 🎉🎉

وليه تحكم عليك بالقيصري دام الرأس تحت وان شاء الله قدامك وقت وينزل الحوض
الله يطمن قلبك ويهون عليك
هانت خلاص كلها ايام وتشوفي البيبي بحضنك وكل هالأيام تصير ذكرى لك 💞

الله يؤجرك في مصيبتك ويعوضك خيرا منها
اصبري واحتسبي ان شاء الله شفيع لك يوم القيامة
اتوقع على حسب وزن الجنين اذا صغير ما راح يوسعوا

كيفكم يا حلوات.
شكرا لكل اللي باركو لي. الحمدلله يابنات شعور جديد بس جميل الله يفرحنا باطفالنا.
انا المفروض لو طبيعي كانت ولادتي نهايه واحد بس لان قيصري حددو لي بنهايه الاسبوع 38 اللي هو السبت الجاي تاريخ 16.
اليوم الفجر صحيت 5 الا مافيني الا العافيه ودخلت الحمام ورجعت نمت. 5 واشوي صحيت كالعاده نتقلب طول الليل والا احس بشي ينزل مني على طول صحيت زوجي قمت وقفت والا مويه تنقط بالارض ودم مره خفيف.
قلت لزوجي بصلي وباخذ شاور ونتوكل. صليت واخذت شاور ولبست ملابسي وكانت المويه كل اشوي تنزل.
وانا بالطريق كلمت الطبيب قالي من توصلي خبريهم اني دكتورك وجاي طوالي وبحجز لك بغرفه العمليات. وصلت وكان الالم يزيد مره وتقارب الوقت وانتظم الطبيبه الموجوده ارتفعت المشيمه واولدي طبيعي وخليني اعمل سونار داخلي رفضت واعطيتها تقرير برضو كانت مغروره وقلت للطبيب قالي اصحي بحرض الطلق وانتي معك مشكله. وصل الطبيب وصار الجري اللي بغير ملابسي واللي بحط لي السوار بيدي واللي تاخذ دم وركبو لي القسطره حقت البول صرخت صراخ.
وعلى طول على العمليات الساعه صارت وقتها 8 تقريبا. وبما اني اخذ ابر سيوله والتقلصات زادت والطلق صار متقدم فقرر لي طبيب التخدير بنج كامل كنت ارجف واحس قلبي بيوقف. دقايق اعطوني الكمام ونمت. صحيت على الساعه 10 الا بغرفه المتابعه واتالم كثير اعطوني مسكنات ولافي فايده والساعه 11 الا طلعوني على غرفتي. قلت لزوجي لا تخبر امي ما ابيها تقلق بعد ولادتي وبعد ما شاف البيبي دق عليهم كانت 9 ونص كذا.
وبعدها على 12 جابو لي البيبي نتفه طبعا وزنه ما يوصل كيلوين ونص اخذ جمال عيني احم احم الحمدلله والباقي مكس للان ما ينعرف. وزوجي قالي الطبيب ما تركه الا لمن تطمن علي وعلى البيبي وركبو لي جهاز اضغط عليه كل ما حسيت بالالم.
وبس احاول انام ماني قادره انام دقايق واصحى. وقبل قليل سحبو القسطره وقمت غسلت وغيرت ومشيت للحمام بس جسمي مره ضعيف خاصه مااكلت ولا من عشاي البارح وارجف رجف مش طبيعي بس ساعدتني الممرضه والطاقم كويسين كامل ويطمنوني. والحمدلله على النعمه بكره بنحاول انا وزوجي نضبط الغرفه واغير ملابسي بشي من اللي اخذتهم. واليوم مااستقبلت غير خالاتي وعماني ازواجهم واخواني من بكره.
دعواتكم اتشافى بسرعه وسوري على الاطاله بس حبيت اكتب بالتفصيل.

الف الحمدالله على سلامتك وسلامة البيبي والحمدالله الي ربي قر عينك بشوفته بحضنك

طمنيني عن العمليه يعطونك مسكنات وكم يوم بالمستشفى
وليه صرختي من القسطره لهدرجه تألم 😭

الحمدلله على السلامه اماني 💐💐
ومبروك العريس 👶🏻يتربى بعزكم ودلالكم واكشنك حماس عطيتيني امل اولد ببداية التاسع 😁