المرق عادي تسلقين الدجاج نفس طريقة ام الكتاكيت بس انا اضيف كمون مطحون طازج لانه يخفف المغص والغازات..واحط فلفل بس ما اكثره لانه ينتقل بالرضاع..
بالنسية للتمر طريقتي هي اني اخلط تمر معجون جاهز او انتي تفرمينه بالفرامة..بعدين احط علييه زبدة ويحرك على النار الخفيفة لحد ما يذوب مع بعض اسكر النار بعدين اضيف عليه فلفل وكمون ورشاد حسب كمية التمر يعني كل كوب تقريبا احط عليها ملعقتين كبار او ثلاث رشاد بدون غسل او طحن لانه حار على المعدة اذا طحنتيه واحط حلبة مطحونة معه وحبة سوداء بس طبعا هالاشياء تحطينها بعد ما تسكرين عنه النار عشان ما تخرب فايدتها وممكن تاكلينه مع القهوة العربية بمسمار (قرنفل) او مع كوب حليب ساخن بزنجبيل.. اتمنى افدتك وتدعين لي ..