رد على أسئلتكم البنت العاقل

البنت ليست عاقه البنت ضحيه أب و أم وعم وتحرش وحشيش

كيف تطلبون من بنت تعطيكم مشاعر وتعامل ما اعطيتوها اياه من الاساس ولا شافته منكم ؟
كبرت وهي تشوف الذل والاهانه من التحرش لسكوتكم عن التحرش لادمان ابوها واقاربها الحشيش لمقاطعتك البنت وش تبونها تطلع بالنهايه ؟ زين ما انتحرت البنت ولا احرقت نفسها

ولازلت مصره على انك أمها اللي حملتيها ببطنك ومع ذلك عادي عندك ماتكلمين بنتك 5 سنوات ؟!! وش هالقلب اللي يحقد
وينك عنها 5 سنوات ليش ماتكلمينها وتتقربين منها معليش لا تزعلين من ردي بس انا ألومك كأم عليك مسؤلية تربية هالبنت وانتي اخترتي انك تتركينها وماتكلمينها عشان ترتاحين مدري هو حقد بينكم او لامبالاه او التهيتي عنها بمشاكل ثانيه ، واللي اشوفه ان هذا التعامل ماتتعامل فيه أم مع بنتها
انتي الكبيره انتي اللي لازم تعلمين بنتك الاخلاق والتعامل والاسلوب وتعلمينها كيف تكون حنونه عليكم وعلى اخوانها
وطالما تقولين انا حنونه واحبها لكن ما ابين لها ولا اعبر اجل بنتك مثلك تحبك وحنونه لكن ماتعبر ليش تلومونها وتطلبون منها شي ماتملكه


الله يصلح حالكم
مصيبه انكم تلومون هالبنت وكأنها سبب دمار العالم وماتشوفون السبب الرئيسي لكل بلاويكم
<< من اول ماقرأت الموضوع الاول كنت عارفه ان البنت مظلومه وان السبب الاهل لاني مريت بظروف ومشاكل عائليه وصرت مثل المجنونه وحاولت اموت نفسي لكن الحمدلله ربي الهمني صبر عظيم وكان طريقي للحق وتمسكت بالله والدين

وليش تدافعون عن البنت اللي بلغت سن التكليف بشرع الله ؟ وليش تلومون الام المسكينه اللي تحاول تتقي شر بنتها ؟ هي قالت لكم انها كانت مدلله والي الان هي الأمره الناهية ! صح ان البنت تعرضت لاشياء مؤلمه بطفولتها لكن أكيد تدرك ان اَهلها مايرضون به أبدا ، وماتدرون هم سكتوا عن العم او لا أنا اري ان البنت هي المخطىه اكثر من الام المفروض يوم كبرت حست بمعاناة أمها وتضحيتها ان مافهمت هالشي من البيت وبالعقل تفهمه من دينها لكن المشكلة الأكبر هي ان ماعندها خوف من الله تعالي

اذا صار بقلبها خوف من الله انحلت كل مشاكلكم معها الله يهديها ويصلحها ويكشف كربك

اتفق مع عواطف التركي
وقلعة الملوك
ماا شاااء الله
كلامهن درر

خواتي ياحوبني لكم بعضكم كان جدا قاسي عليها و على مشاعرها كاأمً وهي جايه تبي توجيه ونصايح وتاخذ الانسب لها..طبيعي كل اللي قالته رؤوس اقلام وواضح من اسلوبها انها منهاااااره..
اسمعي ياأختي صاحبة الموضوع اللي ابيه منك الان ثقه ويقين بالله وتركيز وثقافه منك بأسرع وقت منك
انسي زوجك وسالفة اخوانها بيتأثرون منها..
انتي الان عندك اسمحييييييي لي تكفين تفاحه ربعها فاسد (بنتك رب يهديها) اكيد راح تأخذين التفاحة هذي من بين مجموعة التفاح الحلو شكله وطعمه..وتغسلينها وتقطعين الجزء الفاسد وتتخلصين منه وراح تاكلينها صح! لان فوايدها لِسَّه موجودة
بالظبط نفس الشي مع وضعك..تصبررررررري ولا تيأسيييين ولا ينفع الندم ابدا الان انتي في مشكله لازم تستأصلينها من جذورها عشان تحافظي ع تفاحاتك (عيالك) من تفاحتك الشبه فاسده (بنتك)
ثانيا وش ماكان الشخص قوي لابد عنده نقطة ضعف ولا تقولين لي ماعندها ضعف!! انتي راقبي وشوفي نبشي كل شي عندها لان واضح طايحه ع شلة بنات دمار عسى الله يهدين او بنتك عندها مصيبه وماتدرين عنها لو توصل معك تراقبينها انتي وولدك من تطلع من البيت وتروح الدوام الين ترجع وصدقيني راح تكتشفين شي بس يبيلها صبر والاهم وش ماشفتي لا تواجيهنها ع طول استمري واجمعي اكبر قدر من الأدله
ثالثا لمن تجمعين جميييل المعلومات ولو حصل تنسخين او تسجلين اي شي تحصلينه خوذيهن وروحي اقرب استشاريه نفسيه عند اقرب مستشفى كبيره وانا حاسه انك خايفه تروحين منتي عارفه وش تقولين لا تحاتين عندها اسلوووب تسحب الحكي كله منك وهي راح تشوف الانسب والافظل بخطه طبيه لان بنتك مرت بصدمات نفسيه محتاجه ناس متخصصه تعاونك وتساعدين بنتك مو حنا ولا اهل ابوها بناء ع الموقف اللي قلتيه مو تكانه انتي بنفسك مع اخوها ضبطي امورك
رابعا اتوقع زمرة دمك o وهذا ف علم الانماط (البوصله الشخصيه) يكره الالتصاق والاحتضان لاتحطينه سبب الجفا لان نمطك يعبر عن الحب بالافعال وليس الكلام ابيك تقرين عنه وثقفي حالك ياأختي
خامسا والاهم ارفقي بحالك وتحري قيام الليل وساعات الاستجابة وتقربي من ملك الملوك سبحانهوالاستخارة بكل خطوه تعمليها واكثري الاستغفار والصلاة ع نبينا محمد عليه الصلاة والسلام ف اليوم اكثر من الف مره ودعاء نبينا يونس عليه السلام وايضاً (رب اني مسني الضر وانت ارحم الرحمين)
وكان الله ف عونك ياأختي..اعذريني ع الإطاله 🌹