بسم الله الرحمن الرحيم
السلام عليكم ورحمة الله وبركاتة
ابي اعرف ايش رأي الدين بهالفئه من الناس
الفئه الاولى
الي تتعمد تستفزني وتتدخل فيني وتردد الكلام كالبغبغاء مثلا خلنقول اسمه باء
مثال على ذلك اذا سألت شخص اسمه تاء وهو يجاوب .قام باء يجاوب مع تاء في نفس اللحظة
كيف اتعامل معاه كثيرا ما يستفزني ويعيشني في هم حتى الطتنيش ما يفيد وياها?ما العمل?؟؟؟؟
كيف اوقفها عن حدها?..؟؟؟؟؟
الفئة الثانيه
خلنقول اسمها هاء
هي الي شايفة ان الدين واللحية شئ قديم ولما اتقولينلها الرسول صلى اللله علية وسلم عندة لحية يقولج لا هذا قديم الحين اليهود عندهم لحيه
قال يعني اللحيه مقتصره فقط لليهود
وانا عارفه ان اللحيه مش بس امر رباني في الاسلام حتى القساوسة عندهم لحيه
وبعد هالفئه شايفه ان الدين قديم واحنا لازم نعيش حريه
لدرجه مره شفت وحده خليجيه استغربت انها مو لابسه عبايه وشيله قلت شلون هاذي مش مسلمه
قامت ردت علي هاء انها حرية شخصيه
والهاء في الدول الاوربيه استغنت عن الحجاب ولبست بدالة القبعه او الكوفيه
ايش راي الدين في الفئه
الفئه الثالثه
هي الي تكون مع السيل
لو وحده قالتلها الموضوع كذا وكذا تمشي وياها لو كانت على خطأ
يعني ما عندها شخصيه
وتدافع عن الغلطان حتى لو سوا غلطه جدامها
وتقولي بكلمها وفي الحقيقه مايصير شي
يعني تشوف الغلط على اساس انه عادي وما سوت شي ولما اتواجهينها تقول متى سوت وايش قالت
وحتى لما اتعرف تسكت وما اتقول شي
ما رأي الدين في هالفئات
والله يا بنات الحين التبري من الدين صار سهل عند بعض الناس
والله اني ازعل لما اشوف وحده تتخلى عن حجابها وتستبدله بقبعه
الرسول قالها صلى الله عليه وسلم بما معناه اننا هنتبع سننهم ولو دخلوا جحر ضب لدخلتموه
والعياذ بالله
انطر جوابكم باسرع وقت
الفئه الرابعه
الي ماتبي الدين الاسلامي ينتشر لانها تخاف من داعش ان الغرب ماخذ عنا فكره اننا ارهابيين واننا لازم نكوم حذرين يمكن يضربنا او يسوي شئ فينا قلتلها طالما احنا سلمين مابيسوون شي وهي ترد وتعيد لازم ناخذ حذرنا
مره كنت في احد المساجد في اوروبا وكانت الي تصلي جنبي صلاتها غريبه
قمت نصحتها ان لازم اتصلين كما صلاة النبي المختار صلى الله علية وسلم
جان اتقول انا (مذهب) قلتلها لازم اتصلين مثل النبي انتي صلاتج غلط واقري القرآن
قامت انسميها طاء تسحبني من ايدي واتقولي هاذي مذهبها كذا خليها
قمت قلتلها الله ساقني سوق عشان اقولها لان ايبين من ويها انها مو عربيه شكلها وااايد كان اوروبي
مره مرينا في شارع ما وكنا نتمشى جان يجينا واحد رياال ويعطينا ورقه يبينا نحضر مسرحية موسيقيه واول ما جا قالنا السلام عليكم ورديت عليه بعليكم والسلام
لما خلص شرح الريال قلت في نفسي ليش ما اقوله يسمع قرآن قلتله اسمع القرآن في اليوتيوب حتحس بالسعاده والراحه والسلام قالي انا مسلم ففرحت ? فقاموا هالفئه اتقولي ليش اتقولينله جذي انتي ايش عرفج انه مسلم
يمكن يقولج انه مسلم وهو اصلا مش مسلم يمكن يكون اي ديانة ثانية?!!!!!
وهالفئه اتقولج ان نشر الدين مب بالهطريقه لا فقط حجابج وابتسامتج?.!!!!! شوفتوا اعجب من هالكلام
هالفئات يا بنات مايعجبهم شي قريتي قرآن يلهونج استغفرتي يشوفونج باستغراب كأنهم اول مره يسمعون عنه واذا قريتي القرآن بصوت مسموع يقولونلج ليش اتسمعينا ?.!!!!!!!!
واذا عطيتي فقير صدقه وانا اقول لهالفقير الاسلام دين سلام يقولونلج خلاص انا عطيت ليش عطيتيها انتي...!!!!!!! وكأن الصدقه مقتصره على كبير العائله فقط
مادري هل هي من علامات الساعة ولا لأ?..؟؟؟؟؟؟؟؟ ولو هي من علاماتها وضحولي لو تكرمتم حبيباتي في الله
ياريت يا بنات لو انا غلطانه وضحولي يمكن في شئ غلط اسويه وانا ما ادري....الله المستعان عما يصفون
انتظركم بفارغ الصبر
شاركي في النقاش
سجلي الدخول لإضافة تعليق.
التعليقات
8- والله يا اختي انصحي الناس باللين واذا ما استجابوا خلاص براحتهم يكفي انك سويتي الي عليك الي هو الامر بالمعروف والنهي عن المنكر وبخصوص الفئه الاولى طنشي يمكن ما يعرفون انه اسلوبهم خطا
- وبخصوص علامات الساعه الي انا اعرفه انه الصغرى خلصت والان باقي الكبرى
- ورضى الناس غليه لاتدرك الدنيا تغيرت انصحي بالمعروف وإذا مااعجبهم بكيفهم انتي مسؤوله عن زوجك وعيالك المرأه راعيه في بيت زوجها ومسؤوله عن رعيتها
- اهمممم شي لا تتركي الامر بالمعروف والنهي عن المنكر وما هلك الاقوام الذي قبلنا الا انهم كانوا لا يتناهون عن منكر فعلوه امضي بارك الله فيكي ولا تستغربي بدأ الاسلام غريب وسيعود غريب ولا تلتفتي لردة الفعل تلذذي بالخير الذي تقومين به حتى لو لم يأتي ثماره فقط افعلي الصح ولو العالمين على غلط ودليلك بذالك كتاب الله وسنة رسوله وفقك الله لما يحب ويرضى انا استغرب من اللي تقول الناس احرار بكيفهم اوكيه احرار بس انا مأمورة انصح وامر وانهي ولا اقعد اتفرج ببلادة
- اعتذر عن الإجابه لست بمفتيه ماحبيت اطلع بدون ماأرد :)
مواضيع مشابهة
تابعي تجارب أخرى من هذا القسم.