شاركي في النقاش

سجلي الدخول لإضافة تعليق.

التعليقات

2,030
  1. مدام الفهد
    ياللا يا بنات قولوا اكشناتكم بأول ولادة خلوا البكريات يستفيدون وترى مافيه قاعده الحين فيه اكشنين القلب المعطاء بكرية وولدت بدري وانا بكريه وعوشرت يعني الولادة مالها ساعه معينة كل تجربة حامل تختلف عن الثانية واهم شي الصبر الصبر الصبر الله ي…
    يوووه يا قلبي مره تعبتي
    الحمدلله انا وضعي افضل
    بالنسبه لي دخلت التاسع في شهر رمضان يوم 5 وطبعا لما اني بكريه فقالت احتمال ولادتك على 25 أو ممكن تاخذين التاسع كله وما تولدين الا في 5 العيد
    طبعا وقتها مدري اشتري للعيد ولا لا
    المهم عدت الايام الاولى على خير الآلام بسيطه لا تذكر
    حتى شنطة المستشفى ما كنت مستعجله عليها وفجاءة جاني حماس وقمت ورتبتها
    وبعدها بيومين بعد السحور وبعد الجماع بديت احس بآلام في ظهري اللي استغربته انه كل خمس دقايق ويرجع وبدا ينزل الألم على فخوذي دق زوجي على دكتور واستشاره قاله أكيد البوم تعبت نفسها في المطبخ
    والمهم ادق على أختي واسألها طبعا استغربت ان مافي الم في البطن بس قالت اذا زاد عليك روحي للطوارئ
    وفعلا من بعد صلاة الفجر ما قدرت أتحمل وبرضو الم بس في الظهر والفخوذ
    رحت الطوارئ وكشفت علي دكتوره الله لا يعيدها كانت يدها مره قويه ماني قادره أنسى هذا الموقف قالت مفتوح 3 س خلاص ولاده
    طبعا انا انخرشت ورفضت وطلعت لزوجي قلت ابروح البيت ليه لاني سمعت قبل ان الولاده ماتصير الا اذا فتح الرحم10بكريه مفهية🙈
    قال زوجي صعبه تروحين بيتنا بعيد عن المستشفى وأدق على أختي واسألها قالت خلاص ولاده فين بتروحين وارجع وأكمل الإجراءات ودخلوني الكشك
    وعطوني تحميله وكل شوي يجي دكتور بيكشف وانا في داخلي ما ابغاه بس سبحان الله ربي صرفه المره الاولى جاء ولسى ما جابوا مافي بعدين جاء وكنت في الحمام والثالثة جاء والممرضة ماهي فيه
    لحد ما جاتني أختي طبعا هي كانت قابله
    ونادت وحده من الدكتورات تمدحها والحمدلله بدا يزيد الطلق وانا أتحمل وكل ما راحت الطلقة ذكرتني أختي بالدعاء والاستغفار
    وكل شوي يزيد الطلق لحد ما وصلت الى مرحله غفوت فيها وما قمت الا على صياح الممرضة خلاص ادفعي وفعلا دفعت وخرج الرأس بكل سهوله الحمدلله
    وخلوني في الكشك ساعتين لما فقت بعدها وولدي على سرير جنبي يبكي وقعدت أنادي على الممرضة وآصارخ وجات وهي خايفة اشفيك قلت ولدي بينقلب🙈😩لا تعليق
    قالت باين انك بكريه ودوني الغرفة والحمدلله انتهت رحله حملي بكل سهوله
  2. @bhr_alsfa

    مدام الفهد
    الحين دوري بأكشني بكري بنوته من اربع سنوات طبعا عوشرت كنت من اول مادخلت التاسع وانا اقول كل يوم بولد وبما انها اول مولود كنت متحمسه وشغوفه الله يرزق كل محروم وفي نص التاسع جاني تحجر طول اليوم مافك معي وتعبت منه رحت اكشف قالت لي الطبيبه ا…
    ياقلبي عانيتي والله مره

تابعي تجارب أخرى من هذا القسم.