محتاره هل اقول هالشي لزوجي او لا؟؟شوركم خواتي

الحل ياقلبي البيت
غيري بيتك عشان ترتاحين فيه اكثر وتاخذين مساحه حرريه لك ولعيالك
حاولو تشترون لكم بيت كبيررر دورين مثلا ولها قسم ولك قسم
وتجيبون لها شغااله
وخلاص ... ومشاكلك تنحل وتنتهي ان شاء الله
وكل وحده فيكم لها مساحتها وحريتها في بيتها .. انتي اخدمي بيتك وشغالتها تخدمها وخلصنا...


اما انك تكلمين زوجك يترك امه
لااااا عييييب كبيررر بحقك ما انصصحك ابداااا
كلمي زوجك على البيت .. وشوفي كيف ظروفكم .. وان شاء الله ربك يسهلها ..

والله حزنت على الام انتي معاك حق تبغي خصوصيتك ببيتك
بس هي ماسكنت عندكم عباطة وحب نكد
جات لأنها محتاجة وبعدين حتى لوبيوت بناتها كبيرة عيييييييب تسكن في بيت الغريب
واولادها موجودين ازواج بناتها حتى لوكانوا طيبين بس مو زي عيالها الي شالتهم ببطنها تسعة اشهر ورضعت وسهرت وتعبت وكبرت وربت
لاتحسبيني موحاسة فيك والله فاهمتك وفاهمة قصدك بس هذا الظرف اضطراري
ومتأكدة زوجك مستحيل يقول لامه اجلسي ستة شهور
واذا قلتيله بتصغري في عينه والرجال كله الا امه وهذا الصح
حبيبتي مالك الا انك تعامليها على انها من اهل البيت مدامها بتعيش عندك يعني
اكيد بتطبخيلها وتسوي القهوة والشاي نفس نظامك دايما
وبالنسبة لطلعات عادي روحي لاهلك واسهري عندهم ونامي عندهم نفس نظامك لاتغيريه لاتظلمي نفسك ولاتظلمي ام زوجك
وانتي ام حطي نفسك مكانها ووالله لتبكي دم مو دمع اصعب شعور على الام بعد هالسنين والعمر تحس انها ثقيلة على عيالها
وبالنسبة لاخو زوجك الكبير الله بياخذ حق امه منه والدنيا دواره
والله العظيم عيييييييييب تكون الام محتاجه ولدها ويتخلى عنها عشان زوجته
وصدقيني الاجر لك كبيررررر وبتلقيها في عيالك اصبري وتحملي وبتكبري بعين زوجك ولاتحسسيه انك متضايقة ماتدري بكرة ايش يصير يمكن ترجع لزوجها
ويمكن اخو زوجك يستحي على دمه ويطلبها فترة عنده وفترة عندكم ويمكن اخو زوجك الصغير يتزوج وتكون فترة عندكم وفترة عنده
تأكدي احوال الدنيا بتتغير مافي شيء بيضل على حاله وزوجك بيذكرك بالخير وماراح ينساها لك ابدا
وانتي قدوة عيالك بكره يتذكروا هذا الشيء ويحطوكي بعيونهم
الله يوفقك وييسرلك الخيرة ويكون بعون ام زوجك

المعروف ان الام تجلس عند اولادها اذا ماعندها بيت اما بناتها لا ماينفع وبعدين بما انها انسانه طيبه ولا اذتك بشي ايش المشكله اذا جلست عندك واذا على الكرف خذي شغاله تساعدك واذا تبغي تسافري مكان ياانها تجلس بالبيت والشغاله عندها تخدمها او تروح لوحدة من بناتها لحد ماترجعي ولاتقولي شي لزوجك عن امك يمكن يحس انك ماتبغي امه اوشي من هذا عامليها بالمعروف واعتبريها ام لك اكسبي اجرها هي مسكينة مالها ذنب ماعندها الا اولادها يوقفو معاها

انا اشوف انك ماتقوليلو راح ياخذ الموضوع بحسساسيه وانك متضايقه من امووو لكن احتسبي الاجر وتئقلمي ف حياتك عادي واخرجي وسسافري لاتحسسي نفسسك انو تقيدتي او ششي مع الايام راح تحسي الوضع صار عادي

الله يعطيك من دنياه حتى يغنيك ويعطيك من الجنات حتى يرضيك على أخلاقك الرائعة استشفيتها من وصفك لأم زوجك بأخلاقها وطيبتها لهذا ياعمري خليك على أصلك وطيبتك وأخلاقك وتعاملي مع أمه مثل أمك
الأم يابعد قلبي بعد كل هذي السنين بعد كل الصبر والعذاب تتطلق وينكسر ظهرها من هالمصيبة
وتدور بين عيالها ماتدري مين بيحن عليها ويناديها وتختارها الأقدار وتختار زوجك وتختاركم أنتم فكوني لها جابرة لكسرها كوني لها بنت لم تلدها كوني لها كماتكوني لأمك
الدنيا قصيرة والأعمار قصيره وكماتدين تدان مايضيع شي عند الديان
صدقيني بتنفتح لكم ابواب الخيرات والسعادة بوجودها عندكم قولي لها ياعمتي البيت بيتك
البيت بيت ولدك اللي حملتيه وسهرتي عليه وكبرتيه وزوجتيه البيت بيتك وانا الطالعة وانتي الداخله
اذا جيتي بتطلعين قولي لها خذي راحتك ياعمتي في بيتك
وروحي لأهلك واسهري وانبسطي وسافري
ولاتقولين لزوجك الا كل خير
قولي له أمك في عيوني و البيت بيتها لكن ودي نجيب شغاله عشان الضيوف شغاله بالساعه اذا ماترتاحي للشغالات
وأما أنك مستغربه ليش ماراحت عند بناتها صعب تروح عند الغريب لو انه طيب

مالها الا عيالها وازواج بناتها ماهو من الأصول تروح لهم وعيب تجلس عند بناتها وعيالها موجودين

لو قدرتوا تأخذون بيت اوسع عشان يكون لكم خصوصيه ويكون لها ولولدها الصغير خصوصيه حلو

وان ماقدرتوا لو البيت ضيق القلب واسع ان شاء الله

والله يوسع عليكم ويعطيك حتى يرضيك