انا وزوجي وبيتي

اختي توظفي او درسي خاص بمنزلك وهو خليه دريول لك ويجلس عند طفلك عيشي حياتك زوجك مثل كثير ذكور في مجتمعنا ويااختي انت احسن من غيرك انا موظفه وهو موظف وكل شيء علي وفلوسه يسافر بها للخارج انت بنعمه توظفي ولاتكلمينه عن الوظيفه زوجك لن يتوظف

حبيبتي الله يرزقكم ويرزقنا ، ماعندي حل لاني اصلا مو لاقيه حل لنفسي عندي طفلين وانا وزوجي عاطلين من سنه بس الصدمه شهاداتنا جامعيه ومن برا كلنا وبافضل التخصصات لكن باقي مانكتب لنا الرزق وهذاني متصبره بالاستغفار والدعاء والله كريم،،

ادعى له اهم شى الدعاء وربى بيرزقه
ادعى فى الوتر فى السجود وربى يرزقكم يمكن لما يجى البيبى يفرح فيه ويحس بالمساوليه
ولازم من الشغل وين اهله ماحد عزيز عليه يكلمه يشتغل
الله يعطيه على قد نيته الطيبه مع اهلك ويرزقكم من واسع فضله

الحل كثر الدق يفك اللحام،من وين اجل تصرفون الحين؟اكيد عنده مصدر دخل،اطلبي اللي تحتاجيه وبيني انه شي ضروري مو كمالي وخوفيه قولي ما بقى شي واولد وانا ماجهزت شي وانشبي بحلقه،وعليك بالدعاء والا ستغفار ودعاء الكرب نفعني من قبلك، اعرف شعورك جربته من قبلك زوجي نفس نمط زوجك النوم والراحه فوق كل شيء، غلط توظفين بتتعبين وتكدين هنا وهنا والرجال نايم بالبيت،لازم تزنين فوق راسه يشتغل كيف يتزوج ويكون اسره بدون شغل،وشهادته مو عذر فيه مليون شغله لو بمحل لو حارس امن باربع الاف لوبسوق الخضره،يطلعون الاف ترا لا تستهينين فيهم

الحل الوحيد انك تضغطين عليه اذا طلبتيه أي شي أساسي ورفض ازعلي وقولي له هذي مو عيشه وانت ماعندك وظيفه ولا شي بكره لا ولدت من وين ناكل الطفل يبي له حفاظ وحليب وبلاوي زرقه وقولي له بروح بيت اهلي واذا اشتغلت وصارت عندك وظيفه تعال خذني صدقيني غير كذا مابيتحرك ابد وانتي حتي لو الله وفقك واشتغلتي حسسيه انك خشيتي بجمعيات وانه مايقعد لك من راتبك الا شي قليل عشان لا يعتمد عليك الله يعينك