هل انا فعلاً افتعل المشاكل ولا الوضع يزعل ؟؟

السلام عليكم ..،
اول مرة اكتب مشكلة عن نفسي
ترددت اطرحها و يمكن البعض يشوفها عادية ..،
انا و زوجي من منطقه و سكنا بعد الزواج بالشرقيه
مالنا احد بالمنطقه و للاسف ما اراد الله نرتاح في بيت
سكنت ملحق اول زواجي مدة سنه و بعدها نقلت بسبب انقطاع الموية
و تكررت المشكلة في نفس البيت الجديد عانيت و الله
للعلم الاشهر الاولى كان وضعنا تمام الحين قربنا نتم السنه و اتفاجأت بانقطاعها
شايفين الوضع برد و استخدام الجراكل متعب بالذات اني حامل و عندي طفل صغير
المويه باردة جداً صرت اتثاقل شغل البيت و اتهرب من الطبخ عشان ما اغسل المواعين لما تكثر
للآن مو هذي المشكلة بس حبيت اشرح الوضع
المشكلة اني خلاص بديت امل من الوضع بنكمل الشهر ع ذا الحال تنقطع الموية اسبوعيا جمعه او خميس
تستمر من 4 الى 5 ايام
و اذا رجعت ترجع ضعيفه جداً ما اقدر انتفع بيها
كلمت زوجي يجيب سباك حتى لو ع حسابنا يشيك ع المواسير و صار خلاف بينا و اشتد الكلام
كلما كلمته قالي المكتب يقول ان البلدية ما استلمت المنطقه المتعهد هو المسؤول
و المكتب يقول المواسير سليمة !
عشان كذا قلت له جيب عامل ع حسابنا لان احنا المتضررين
اعترف اني لما ازعل انهار و كلامي يتلخبط بس يعلم الله ما سبيته ولا غلطت عليه
انا صرت اغلب وقتي مكتئبة ولا لي خلق اتكلم او اعيش حياتي طبيعيه
الوم نفسي لان انا اللي اصريت ع النقل قبل و مع ذلك طحت بنفس المشكلة
مع ان البيت القديم نفس الشي غيرنا ماطور و كل شب و باقي الوضع ع حاله لذلك خرجت
زوجي اذا شافني بذا الوضع يشتد الكلام و نزعل من بعض
احس ان مالي حظ او التوفيق بعيد عني استغفر الله ابكي مرات و استغفر اخاف من الاعتراض ع قضاء الله
كيف اتصرف الله يعافيكم تعبت و انا غصب عني يبين زعلي
المويه شي اساسي و انا محرومه منه الا قليلا
و ليه هذي المشكلة بالشرقية انا بالدمام طبعا اللي تعرف طريقة تدلني احل فيها مشكلة المويه هذي
و كيف اتأكد من المنطقه بيد البلدية او لا و ميف اوصل للمتعهد ؟؟! لعل و عسى يسمع لنا
ساعدوني احل مشكلتي و لو بالدعاء