مريضة و زوجي قاهرني😢

السلام عليكم
شخباركم بنات /مدامات
في سالفه مضايقتني من 3 أيام بفضفض لكم
يا محفوظات السلامه كنت أعاني من ألم الظهر من أسبوعين رحت المستشفى بعد التحاليل و الاشعه طلع عندي تشنج شديد ف عضلات الظهر و فقره من الفقرات تأثرت الانسجه حولها المهم لازم ارتاح و أظل ممدة رحت بيت اهلي أسبوع و امي واخواني ما قصروا فيني و لا في ولدي مستانس و مان وايد ارتحت
المهم بعد أسبوع كسر خاطرى زوجي جالس بنفسه ف البيت يطبخ لنفسه
و قررت ارجع بيتي بالرغم من أن الألم ما خف اسويله غداه و عشاه و نونسه
ما أنكر أنه يساعدني بالولد يسبحه و يبدله الحفاظه اذا كان موجود بس اللي قاهرني من يوم ما جيت ما سألني كيف ظهرك كيف صحتك كيفك اليوم ابد مافي لمسة حنينه و لا كلمه حلوة و الله كني أخوه فالبيت و وقت النوم يحط الولد بيننا و الله مابغي منه ذلك الشي.. بس ابغيه يحسسني أنه حاس فيني وبس
و ناويه بكره تروح لأمي و اخليه بروحه

18 تعليق 2,461 مشاهدة

شاركي في النقاش

سجلي الدخول لإضافة تعليق.

التعليقات

13
  1. @shms_amp_kmr

    يابنت الحلال هونيها تهون جزاه الله خير وهو يساعدك ريحي اعصابك واذكري الله لايلعب عليك الشيطان هو عطائه لك بخدمتك وجمل الله حاله
  2. يابنت الناس ليش تدوري على النكد بشمعه الرجال ماقصر وترا الرجال كلامهم مو كثير زينا وحبهم بالافعال يعنى تبغيه يحسسك انك مرا تعبانه كل دقيقه كيف ضهرك لازم ينسيكى الالم
  3. @algazy_33_1

    ببساطه الرجل يحاول يظغط على نفسه ويبعد عنك عشان مايطلب حقوقه منك ويتعبك بس ومايبي يقرب منك ويبدر منه شي ياثر عليك وانتي تعبانه جزاه الله الف خير ماقصر فلا يقص عليك الشيطان
  4. @faith_5

    ببساطه الرجل يحاول يظغط على نفسه ويبعد عنك عشان مايطلب حقوقه منك ويتعبك بس ومايبي يقرب منك ويبدر منه شي ياثر عليك وانتي تعبانه جزاه الله الف خير ماقصر فلا يقص عليك الشيطان




    هذا اللي بالضبط الي بغيت اقوله ,,
    هو مشتاق لك بس مايبغا يسوي شي لانك مريضه وعلشان كذا يتعامل معاك رسمي ,,


    الله يشفيك وتقومين بالسلامه ,,

تابعي تجارب أخرى من هذا القسم.