تجمع التباشير ( التٓآســع ) لأجمل مواليد ينـــ1ــآير 🎉👶🏻 فبــ2ــرآير 🎉👶🏻

رؤيتي انا عمليتي يوم الاربعاء هذا ان شاء الله ..
واكون تميت الاسبوع 38 ان شاء الله ..
مجرد ماتدخلي التاسع ان شاء الله وضع الجنين كويس ..
اتوكلي على الله واستودعي الله نفسك وطفلك ..


اكتفاء حبيبتي ❤
النوم عالجنب شوي لسى مو هالفتره .. انا عادة بعد عملياتي اقدر انام عالجنب نهاية الاربعين ..


ام التين طولت مادخلت يارب يسر امرها 😢


امجاد لا ترهقي نفسك حبيبتي كل يوم سوي حاجه خفيفه .. الله ييسر لك امرك يااارب ..


سكره .. ايوا استرخي مزبوووووط 😂
جايك السهر والدلع الله يبلغنا واياك شوفتهم بصحه وسلامه ياااارب 😍❤


اغصان الشمال .. لا تفكري في هالاشياء الحين اهم شيء تولدي بالسلامه .. وبعد ولادتك انتي بنفسك بتقدري تقرري مناسب تحضري الزواج او لا ..
الله ييسر لك امرك ويهون عليك يارب .

رجاوي كيفك اليوم 😢💔
وجلنار ماطلت علينا كمان 😢

راح اكتب لكم اكشني
زي ماانتم عارفين ان باقي لي اسبوع واخلص التاسع والدكتوره قالت لي راح تحط لي طلق صناعي علشان كل ولاداتي السابقه طلق
المهم كان عندي موعد هذا الاسبوع علشان اروح وتحدد لي يوم الي ادخل فيه وتحط لي الطلق مارحت وفوضت امري لله وكنت اعمل بالاسباب اشرب موية بالزعفران كل يوم واكل تمر رطب على الريق وموية زمزم بنية تسهيل الولاده واحيانا اخذ عسل وحبة بركه المهم كنت طول الشهر وانا احس بألم مثل الم الدوره وكأن الدوره راح تنزل وتجيني مغوص بس انام واصحى ماالقى شي ويوم الجمعه رحنا للبر وكنت امشي على الرمل بدون صندل وطبعاً كنت في بيتي اطلع الدرج وانزل كل يوم واسوي القرفصاء لو مرا وحده في اليوم المهم قالت لي وحده تبغين الولاده تجيك سوي تنظيف شامل للبيت وخاصة للسيراميك وطبقت نصيحتها على حوشي بعد العشاء وكنسته وغسلته وقتها كنت احس بألم وتعب بس كملت 😄كله علشان اولد وبعدين بعد ساعه ونص تقريباً حسيت اني خلاص مااقدر اوقف من الالم ورحت انسدحت اتفرج على التلفزيون والالم يزيد بعدين رحت نمت على السرير على اساس انام ويروح الالم زي دايم بس مافي الم مستمر وبعدين صرت احس الالم منتظم كل نص ساعه وبعدين كل 10 دقايق وانا اقول لسى يمكن طلق كاذب واروح الحمام اشوف في دم او لا مافي واقول طلق كاذب وارجع انام ويجي الالم مرا ثانيه ويجلس دقيقه ويروح ويجي بعد 10 دقايق تقريبا وكانت الساعه 1 في الليل وبعدين صار كل 5 دقايق وانا اقول لسى يمكن طلق كاذب وبعدين خفت يصير لي ولاده في البيت وقتها عيالي ناموا واتصل على امي نايمه ومافي احد صاحي الا اخويا واكلمه وجاء وبعدين قلت له شكلي بااصبر للفجر واروح لكن زوجي رفض قال الحين نروح ويجي اخويا وينام عند عيالي واروح ويوم وصلتهم تقريباً على الساعه 3 وشوي وتقيس لي تقولي الرحم فاتح 5 سانتي وانا مو مصدقه اقولها مانزل علي دم قالت مو لازم مادام في طلق منتظم خلاص يفتح والحمدلله على الفجر ولدت حتى قبل ماتجي دكتورتي وكانت اسرع ولاده الحمدلله نصيحه يابنات الي تشوف الطلق عندها انتظم تعرف انها ولاده وتروح ونسيت اقولكم كنت اسوي حركة شمي ورده وطفي شمعه حسيت انها هونت علي وفتحت لي الرحم بسرعه وكمان طول الوقت كنت اصلي على الرسول وادعي بدعاء الولاده اللهم ياخالق النفس من النفس ويامخرج النفس من النفس ويامخلص النفس من النفس خلصني والحمدلله

بنات ابغى اسألكم
يجيني مغص قوي اقوى من على عيالي خاصة اذا رضعتها ايش اسوي 😢😢😢

ماشاءالله تبارك الله
الحمدلله على سلامتكم
شكلي الاسبوع الجاي بقوم على حوشي 😂😂