- الله يسلمكم حبيباتي
- هذا اكشن ولادتي
- انا من اسبوع 36 عندي الم مو مره منتظم بالساعه ينتظم و6 ساعات لا ولما كشفت قالت نص سانتي مفتوح ومانزل بالحوض بس لاني مو بكريه عادي ، بعد اسبوع بالضبط شي مهم لازم احظره لمده 3 ايام تبع وظيفه ودراسه والا مستقبلي بيروح فأمس موعدي قلتلها ابي طلق صناعي خايفه اولد اسبوع الجاي ، هاوشتني ان توه صغير وقالت طيب يالله نكشف ، الراس كان نازل و فاتح واحد سانتي سوت لي تحريض العصر وقالت اشربي دارسين وامشي ساعتين وبكره تعالي الصباح ، سويت الي قالت كان الام مقبوله ومو منتظمه ورحت لها بكره الي اهو اليوم الصباح وقبلها شربت دارسين قالت فاتح 2 سانتي وسوت لي تحريض زياده ونزلت افرازات كثيره مع دم بس قالت اذا نزلت بعديين في البيت يعني ولاده وخلاص انا انتهيت مو قادره امشي حتى على غرفة التخطيط 😭 جالسه اعرج ورجعت البيت واستمر الألم منتظم يادوب نمت لي ساعه ورحت اتروش نزل افرازات مع دم ورحت الطوارى مع طلق قوووي قالو فاتح 4 سانتي وعلى مانقلوني غرفة الولاده بعد 3 ساعات قالت فاتح 8 والحمدلله مادخلت دكتورتي الا انفجر الماي وبسرعه غيرت ملابسها لان استدعوها من بيتها حتى قالت لزوجي خليني البس معليش تروح ورا الستاره
- وعلى ماتلبس القفازات وبسرعه يجهزون الاغراضقالت لاتدفعين انتظري وحاولت اسكر رجولي لاني خفت يطلع بدون توسعه ويوسع عشوائي ويالله كلهم تجمعو علي وقالو يالله دفعي
- وشديت حيليييي والحمدلله طلع حبيبي وكان مره نتفه ما احتاج توسع بس خيطتني لان خياطتي الي قبل سيئه احس مفتوحه
الدفع الحمدلله تراه مره سهل تحسون الله يكرمكم ان تختاجون حمام فدفعي كأن فيك مغص وسهالات والله
وعطوني حقنه شرجيه ماكنت احتاجها لان اليوم كله ما اكلت شي والله يكرمكم داخله الحمام في البيت
بس قالو لازم علشان مايطلع براز ويضر الجنين ومثل ماعطوني اياها طلعت بدون شي سوري الوع كبدكم بس مالها داعي
ودعيت لكل الي بالتجمع بالسهالات ولطالبين الذريه
وقبل ما اقدم على التحريض استخرت الله والحمدلله ارتحت