حوامل الشهر الثامن احتاجكم : (

السلام عليكم : (
بالله جاوبوني مو زي موضوعي الاول كم وحدده بس الي اعطتني فيس 😣
ي بنات انا حامل ف الاسبوع 34 نهاية التامن
وامس جاني الم ف جنبي اليمين في البطن من تحت
ومعايا غثيان مو جديد لا من يوم كنت سبعه شهور وهوا ماسك فيا😣😣
اليوم رحت المستشفى وقلت للدكتوره انو شاكه ان معايا الزايده < الوسوسه قاتلتني
وهيا شكلها ماصدقت لان المستشفى بفلوس
قالتلي روحي حللي دم وبول عشان اتاكد
ورحت حللت ورجعتلها شافت النتيجه قالت سليمه
بس انا حولتك على دكتور مختص عشان يشوف فعلن زايده ولالا
وبس الله يسلمكم اخرج عالمختص وسالني اسئله يعني عن اعراض الزايده ولله الحمد ولا عرض عندي غير الم الجنب
المهم قال انسدحي افحصك وانسدحت وضغط على كل ناحيه من بطني بس ما اتالمت كان الوضع عادي
يعني حتى الم عند الضغط مافي اللهم انو جايني الم مابيتغير لا يزيد ولا ينقص ولا هوا شديد مايحتمل يعتبر الم عادي بس انا مع القلق رحت ابا اطمن خوفوني اكتر
المهم اخونا فالله قالي الاعراض ماعندك بس لازم تسوي تصوير تلفزيوني وكمان ماياكد انو ماعندك زايده يبين بس انن انتي ماتشتكي من شي تاني عشان نركز على الزايده ونعتبر ان الالم بسببها
وكمان تجيني بكرى وبعدو تعيدي التحليل يعني شكلو كل يوم يباني احلل !
المهم خرجت وانا مرعوبه ومو ناويه اسوي اي تحليل او تصوير
لانو الاعرض اغلبها مو عندي ايش تنصحوني ؟؟
انا خايفه وربي مو قادره انام
والم الجنب اليمين من تحت والم وسط البطن برضو تحت يعتبر طبيعي لوحده حامل بنفس شهوري ؟؟
طمنوني لو وحده تحس زيي او تعرف عرض قاطع للزايده
او عندها لو معلومه وحده تطمني : (

14 تعليق 917 مشاهدة

شاركي في النقاش

سجلي الدخول لإضافة تعليق.

التعليقات

14
  1. @8lb_zozi

    صاحبة الموضوع
    الدولار
    انا يوم جتني الزايده كنت انحني من الم بطني وكان معي وانتي بكرامه استفراغ
    شكرا على ردك طمنتيني : (
    لانو الحمدلله الالم الي احسو الم عادي محتمل
    ومامعايا استفراغ ولا امساك

    بس ابا اسالك الالم اول ماجاكي جاكي قوي ماقدرتي تتحمليه ؟ ولا جا بسيط وقدرتي تصبري كم يوم يعني
    وهوا متقطع يروح ويرجع ولا من يوم يجي معد يروح !
    ويتركز بوحده ناحيه من البطن ولا كل شويا بناحيه وكيف اتاكدو انها زايده بالتحليل وكدا ولا شي تاني

    سامحيني اسئلتي كتير بس ابا اطمن 😪
  2. @aldolar

    جاني وكان يروح ويجي بنفس الوقت يعني فرق دقايق
    اذا جا مقدر اتحمل انحني وامسك بطني
    واذا راح ارتحت


    يوم وصلت المستشفى قالوا احتمال عمليه بس شافوها الحمدلله عالجوها بدون لانها ماانفجرت
  3. @8lb_zozi

    صاحبة الموضوع
    الدولار
    جاني وكان يروح ويجي بنفس الوقت يعني فرق دقايق اذا جا مقدر اتحمل انحني وامسك بطني واذا راح ارتحت يوم وصلت المستشفى قالوا احتمال عمليه بس شافوها الحمدلله عالجوها بدون لانها ماانفجرت
    ماشااءلله
    الحمدلله حبيبتي ربي يعطيكي الف عافيه
  4. حبيبتي انا مو بالثامن لسى الله يتمم حملي وحملك وكل حامل يارب ع خير بس حبيت افيدك

    يمكن برد او هواء لانو البرررد مرررا شين ألمه والكل يستهين فيه

    حاولي تدلكين المكان بفازلين دافي وتدفي كويس ان شاء الله ماعليك الا العافيه

    او يمكن نايمه ع جنبك وضاغطه ع الجنين

    واحيانا الجنين وضعه متعب لجهة اليمين او اليسار

    الله يطمنك بالعافيه يارب

تابعي تجارب أخرى من هذا القسم.