اللي تعاني من مشاكل في سلوكيات طفلها تدخل

السلام عليكم ورحمة الله وبركاته الاخت تعديل السلوك عندي ولد عمره خمس سنوات فيه اشياء تضايقني وتحرجني كثير يحب يلعب بالعابه ولا احد يلعب معاه مثلاً اجتماع انا واخواتي العيال يلعبون سوا هو اذا جاء يجيب العابه وياهذ واحد او اثنين منهم والباقين يطلعهم برا الغرفه ويخليهم يبكون انا مابيكم انا ماحبكم من هالكلام ويجلسون يبكون البقيه حاولت اتفاهم معاه بالهدؤ مانفع حرمته من العابه يجلس يبكي عليها ولازم ياخذها بكل مكان هذا شيء الامر الثاني دائماً اذا راح مع ابوه البقاله اواي مكان لازم يشتري مجموعه العاب يعني ميزانيه خاصه بالالعاب وش الحل اعدل من سلوك

السلام عليكم انا عندي بنت عمرها اربع سنوات عنيده جدا وتبكي على اي شي لما كنت بالمول تبي لعبه وانا كنت مستعجله قلت لها خليها شوي قعدت تصارخ وتشد عبايتي وفشلتني عند الناس الى ان شريت لها اللعبه وبعد ساعه ملت منها ورمتها وقعدت تصيح على لعبه ثانيه صراخها يشد انتباه الناس لها وماتسمع مني شي وبالبيت اي شي تبكي عليه حتى لو مو لها وعند الناس تاخذ العابهم وتصيح الى ماتاخذها فشلتني الله يصلحها واحيانا حيويه وتخاف من الناس مثلا كنت معزومه اول مادخلت المجلس فيه حريم واطفال تخاف منهم وتبكي وتخبى وراي وتخبي وجهها عنهم والا دخلو عليها بالغرفه اطفال من قرايبنا تبكي وتخبى عنهم مدري ليش صايره تخاف من الناس مع ان بالمول مليان ناس عادي والمستشفى عادي بعد بس عند الناس بالبيوت لا تخاف وتبكي واذ سالتها تقول يطالعون فيني المشكله انها تبكي على اي شي ومستعده تقعد كم ساعه وهي تبكي

نسيت اقولك اصغر منها ولد عمره سنتي

السلام عليكم..
اختي الفاضلة حابة استشيرك بموضوع اولادي..
انا عندي اولاد زوجي انا ربيتهم من ست سنوات تقريبا
الكبير 14 سنة والبنت 8 سنوات وكل واحد فيهم من ام وكل ام من مجتمع مختلف تمام الاختلاف عننا..
وعندي كمان اولادي واحد 5 سنوات والثاني 4 سنوات الفرق بينهم سنة بالتمام والكمال.. 😆
الولد الكبير مرة حسااااااااس لدرجة ما تتخيلها وجدا غيووور لدرجة احس بغيرته لما يشوفني جالسة مع ابوه غير انه دحين في مرة انتقالية من الطفولة الى المراهقة وكل ما يمر في هذي المرحلة من تشويش للذهن واختلاط في الافكار ومحاولة التأقلم مع الوضع الجديد خصوصا انه بدأت تكتمل فيه كل علامات البلوغ..
البنوتة الله يحميها مرة حبوبة وهادية بس احسها مرة خوافة وكتومة ولا هي بسم الله عليها مرة ذكية وشاطرة وتحاول ترضي الكل وما تحب تزعل أحد منها..
ولدي اللي عمره 5 سنوات عنده فرط حركة مرة متعبني رغم انه ما شاء الله جداااااا ذكي ويفهم اي شي على الطاير بس الفوضوية وعدم النظام والترتيب والعنااااااااد والصراخ والعصبية مرة تعبتني معاه.. وكمان فوقها الحمام (وانتي بكرامة) مرة مو مزبوووط عنده في الليل ما شاء الله تمام يصحى بنفسه ويروح ويرجع يكمل نومه عادي بس في النهار كل شوية يبلل ملابسه ويقول نسيت مع انه طبيا سليم مية في المية..
اما الصغير حدث ولا حرج مرة عنيد وخياله واااااسع بمعنى الكلمة لدرجة ما اقدر اصدق ولا كلمة يقولها وجدا فوضوي ولسانه طويل ويتضارب مع الكل ومرة يحرجني مع الناس بس يسب ويشتم وما يتقبل اي احد لدرجة معلمته في الروضة بس تشتكي منه..
نجي عندي انا 😩
انا مشكلتي اني جدا عصبية وما عندي احد يساعدني فتخيلي دايما احس اني مضغوطة واحيانا لما يغلطوا الصغار اضربهم مرة يعصبوني بس يشوفوني انشغل في البيت بأي حاجة يقلبوا البحر طحينة انواع الفوضى والمضاربات والصراخ اللي يسمع الأصوات من برا يحسب قامت معركة جوا البيت.. 😞
وحتى ابوهم مرة عصبي ويضرب كثير وعنده اهم شي في الحياة اولاده قبل اي شي بس كثير ما يقدر يتمالك اعصابه منهم ومن تصرفاتهم.. حتى صرت احبسهم في الصالون هما والعابهم احاول احصر الفوضى لما يرجع من دوامه لانه يكون مرة تعبان واخاف ينفجر فيهم..
انا مرة ما اعطيهم حلويات ولا شكولاته وشيبسات وهذي الأشياء بس ما شاء الله عليهم وروني نجوم الليل في عز الظهر.. حتى الجوال والايباد والتلفزيون هذي الاشياء نادرا يمسكوها اشغلهم فيها وقت الطوارئ.. اعطيهم المكعبات والسيارات ودفاتر التلوين بدالها.. طبعا هذا كله ناهيك عن الاحراج اللي يصير قدام الناس.. عشان كذا بطلت اخرج اصلا من بيتي..
الله يسعدك ساعديني احس اني بأتجنن نسيت نفسي ما صرت اهتم فيها احسهم الاربعة كل واحد فيهم حالة خاصة ويبغاله خطة في التعامل بس كيف الاقي الوقت ما بين شغل البيت ومذاكرتهم وابوهم والاهتمام بهذا كله ما عرفت ألاقي حل......

السلام عليكم
حبيبتي مهما حكيت عن ذكاء الاطفال الصغار وكيف يفهمونا ويراوغونا مابتصدقي ابداا حتى وهم شهور
طبعا لا يخغى عليكي كيف الاطفال تحب انه احد يحملها وابنك يحب يخرج مع ابوه ولما ابوه يخرج بيتاكد انه مستحيل يرجع ياخده معهلكن بيكون تام الثقة منك انه لما يصارخ ويبكي انتي بتحملينه وهذا بديله المفضل
تأكدى اختى انه ابنك مارح يضرب نفسه ضربة مايتحملها وبيظل يبكي ويبكي عشان يستعطفك
لما يسوي هالحركة بالذات قولي مايصح ولد كويس يسوي هالحركة وولدي ولد زين وطيب وطبعا تستخدمي اسلوبك في التعبير بس كم كلمة باسلوب حازم وحنون بنفس الوقت
وتمشي وتخلينه في الارض
طبعا رح يستغرب جداااااااااااا ويزيد من التصرف السيء هذا لكن انتى ابدا لا تضعفي لانه لو احس بضعفك ولو بسيط رح يستغلك اكثر من اول
هو عند النوم ما يصارخ عشان الفشار او اللعبة عشان يدري انه مهما سوى مارح تلبي هالرغبة
وهكذا مع الجوال ايش فايدة تعطينه الجوال شوي وبعدين تشيلينه في الشنطة وبعدها يبكي؟
لازم قرارك يكون قاطع صدقيني هذا هو الحل الكلمة سيف تتنفذ لو مهما حصل
احسك شووي طيوبة وحنونة ولكن يتطلب منك ان تكونى ام شريرة بعض الاحيان عشان التربية مو سهلة :)
الله يوفقك ويعينك يارب
انتظر اسمع منك بعد تنفيذ الخطة في اول موقف لولدك الجميل