السلام عليكم
صباح الخير ياحلوات طبعا انا اول مره اشارك في المنتدى وابيكم تساعدوني
صار خلاف بيني وبين زوجي لدرجه اني دقيت على ابوه وقلتله المهم صار زوجي ولاول مره تصير من زواجنا انه ينام في غرفه لوحده ويقفل الباب عليه ولا ياكل في البيت ولا يكلمني ابد مع انه هو الغلطان طبعا انا كمان غلطت وتكلمت عليه بس والله نرفزني تخيلو يقلي يالله نطلع يدوب البس عبايتي والحقه القيه قفل الباب وطلع وخلاني ادق عليه مايرد ومقفل جواله يعني نذاله المهم ومالكم بطويله ووجع الراس له اربع ايام ساحب علي وينام في الغرفه الثانيه وش الحل وكيف اتصرف واخليه يرجع والمشكله كمان انه رافض اني اكمل جامعه وصار كل فتره يهددني اني ماكمل وشكل هاذا الترم بيفوت وماسجلني تكفووووووون اعطوني رايكم وش الحل
شاركي في النقاش
سجلي الدخول لإضافة تعليق.
التعليقات
6- اجل هالحركات مايبيك تدرسين اذا ماوداك كلمي ابوه يوديك
وبالنسبه لزعله ناقشبه قولي ترا مو اطفال نلعب القطو والفار ونامي جنبه قوليها بمزح
وقولي لين تبططل تتعبني اذا ماجيتني جيتك
لان السبب بسيط ولايستاهل - الله يوفق بينكم
اكسري الشر و راضيه
الرجل يجي بالمسايسه ما يجي بالعناد - دائما اراضيه واسايره بعض الاوقات عشان الجامعه مع انه هو الي شجعني بس صار يعاندني فيها
- اهم شي انك عرفتي غلطتك و انتبهييييي تتكلمين عن أي مشكله بينك و بين زوجك عند أهله او أهلك
عارفه حركات الرجال أحيانا تغيظك وتطلعك من عقلك لكن حاولي قد ماتقدرين تخلين الشي بينك و بينه
و إذا على زعله مثل ماقالوا لك الرجال يجي بالمسايسه يعني انتي روحي له و اجلسي جنبه غصب حتى اذا رفسك قومي و انتي تعرجين و ارجعي له و قولي له لا حياة مع اليأس ههههههه قولي له انك عارفه غلطك و اعتذري منه و بعدها قولي له بس انت بصراحه تضايقني و تنرفزني بهذي الحركه لاتسحب علي و تروح
و اذا تبين تحلين هذي المشكله بالذات اول ماتقررون تطلعون مكان حددي انتي الوقت و التزمي فيه يعني مثلا قولي له بعد ساعه بالضبط اذا ماشفتني جاهزه روح عني و طيري وخلصي قبل الساعه اللي حددتيها بكذا هو ماراح يحس انه ينتظر ومايدري الى متى و انتي تكونين عارفه متى بينحاش عنك هههههه - اهم شي الجامعه لاتتركينها ولا تتنازلين عنها وهو يبرضى لا تخافين ولا تبينين ان أسلوبه قهرك عشان مايسويها دايم
مواضيع مشابهة
تابعي تجارب أخرى من هذا القسم.