مرحبا يا بنات كيفكم وايش اخباركم
اليوم قررنا معاودة البحث عن شقه ،،، لي صديقه من العائله قالتلي ان فى بعمارتهم شققه بتفضى كمان كم يوم وعمارتهم حلوة صغيرة ومرتبه والبيت 4 غرف وصاله وفي غرفتين مفتوحين على بعض ادعولنا الله يكتبها لنا ياااااااااااااااااااااااااااااااااااارب لأني خلاص ببدا من السبت ان شالله اضبضب البيت واحط الأغراض الخاصه بالكراتين ،،، وطبعا بجيب شركة نقل بس التحف والهدايه الثقيله انا بضبها بيدي تعرفون الأعراض الغاليه الثمن ما حد يكون حريص عليها الا اللى شاريها مو مثل يد العمال طاخ طيخ ،،،،
اما بالنسبه لأميرتي ليان فهي ما حبت الرز المسلوق وصارت تهاااااااااااوش وتصارخ ما حبته ،،
ومن تاني يوم سويت لها التالى :
جبت كمشة كورن فليكس وطحنته واخذت معلقتين صغار منه وحطيت معلقه من حليب ليان - بيبي لاك - وشوية مويه دافيه علشان يصير طري وما يزعج ليان ،،،، ياااااااااااااالله يا بنات حبته وصارت تاكله عليها بالعافيه يارب وانا طاااااااااااااااااااار عقلي يا حبي لها الله يسعدها والله حسيتها صارت كبيرة بسم الله عليها الله يحميها ويحفظها وببدا معاها بكرة ان شالله بالبرتقال او التفاح المبشور علشان تذوقه وطبعا مارح انسى الحلبة والله ما اعطيها ياه غير ممكن مرتين بالإسبوع والحمد لله صارت تقلب بنسبة 80% ،،،،
بنات الله يسعدكم ادعولي الله يسخر لي شقه مناسبه قبل رمضان والله اني ميته من القلق والخوف الواحد ما يلحق يفطر الا ويجيه النوم والتراويح وختمة القرآن الكريم ومتابعة البيت والتنظيف ومتابعة الأميرة آآآآآآآآآآآآآآآآآآآآه الله يكون بالعون يارب - غير طبعا العزايم ومجاملة الأهل - الله ييسرلنا يااااااارب طلبكم يا بنات اليوم جمعه تدعولي الله يجزاكم الخير ....
مواليدنا الجدد الجزء 2 حياكم الله
متابعة النقاش، صفحة 61



