السلام عليكم ورحمة الله وبركاتة
مساء الخير 🌹
ليا ردود هنا بس ماعندي مواضيع وهذا اول موضوع انزله لعل فيكم من تنصحني نصيحة تخفف عني وتردني لصوابي لان احس تفكيري مشتت جداً بالبداية انا متزوجه و عندي بنت وادرس وزوجي يعمل في غير منطقتنا ولما يروح الدوام اروح انا مع بنتي عند اهلي مااقدر اجلس في بيتي لأن ماحولي احد من لما ولدت كنا متفقين ننقل لبيت ثاني ووعدني اولد ببيتي عشان مااتعب في التنقل كل اسبوع مع البنت لكن ماتيسرت قالي بعد نفاسك ننقل وكمان ماتيسرت وبعد النفاس قال قبل الاختبارات وماتيسرت و بعدين قلنا بين الفصلين وماتيسرت اخر شي قالي اول اسبوعين من بعد الدراسه وامس قالي انو ماتيسرت حاااااااولت حااااااولت ابلعها وماازعل بس مو قادره حاستها غصه في حلقي ابغى انقل تعب تعب كل اسبوع اجمع اغراضي تعب من جميع النواحي ارتاح في بيتي انا اهلي مو قليل عددهم واحس كل مكان في البيت معروف انه لفلان انا لي مكان ماانكر بس مكاني مو نفسه اللي قبل الزواج ماادري كيف اشرح بس بالمختصر صارتلي عائلتي الخاصه بيت اهلي ماعاد يناسبني حتى لما ازعل مع زوجي يبان علي الزعل وهم يدرون مااحب كذا انا مااعلم بالسالفه بس ماابغى احد يدري انو تزاعلنا من اساسه وكمان بصراحه اكثر شي مضايقني اني اكثر من مره اقول لاهلي بنتقل بيتنا ومانتقل كثييير وامي تتحمس معاي وكذا واقولها ماراح ننقل ذي الفتره مرات كثيرة اقول بننقل وماننقل طبعاً مااقول من راسي يكون ذا كلام زوجي لي ومأكده لي يبغى يفرحني بس هذي المره مستحيه اقول ماراح ننقل احس ماودي اقول لأحد انو مو ناقله ذي الفتره لان اصلاً انا ودي بالنقل انا ماكلمت امي من امس ماابيها تقول هاا جبتو شركة العفش ولا لسى ماودي اقول ماراح نجيبها ثقيله ع قلبي اعوذ بالله من الشيطان الرجيم
انصحوني
شاركي في النقاش
سجلي الدخول لإضافة تعليق.
التعليقات
12- طيب ياعسل بيتك في نفس منطقه عمل زوجك ولامنطقه اهلك اذا بمنطقه اهلك اجلسي ببيتك حتي لوراح زوجك عمله خليه يجيب طلباتك وطلبات بنتك قبل يمشي واذا بمنطقه عمل زوجك كمان حلو اجلسي ببيتك وهو يروح يداوم ويرجع لك ولاتخافين شغلي اذاعة القران وتعرفي على جاراتك واتوقع بماانك تدرسين اكيدمشغوله طول اليوم تنظيف وترترتيب واهتمام ببنتك ودراستك
- يعني انتي تقصدين انو تنقلي عنده
طيب ممكن فعلا"ماتيسرت أو هو رافض الفكره... انت تبيني منه وشوفي تفاهمي معاه بهدوء قولي انت تبي فعلا "تنقلني أو بس تسكتني... انا أبي أكون معاك من حقي أكون معاك وبنتنا استحي من اهلي ثقلت عليهم هم مايشتكون لكن انا أشوف وكذا - حبيبتي لا تزعلي وتكبري الموضوع
انا معاك تعب وعدم استقرار لكن وضع مؤقت مو طول العمر بتمم كذا . اغلب البنات الي يدرسون هذا وضعهم خصوصا اللي معاها اطفال .
موضوع التقل ان شاء الله ربي ييسر امره
يمكن زوجك ما عنده دفعة اولى للايجار ومستحي منك وانتي عارفه كم وصلت الايجارات . واي شىء تتفقوا عليه بموضوع النقل لاتخبري احد منعا للاحراج . واذا امك كلمتك عن النقل قولي ما حصلنا شىء مناسب
والله ييسر امركم وامر نقلكم - ربي يفرج همك
- هو فعلاً ماتتيسر له مو يكذب اوشي لا سبحان الله تنقص عليه الفلوس او يمر بأي ظرف ثاني
انا في منطقة اهلي و زوجي يروح و يرجع وانا ادرس عند اهلي بيتي بعيد عن بيت اهلي و البيت اللي راح ننقل له قريب من اهلي اقدر اجلس فيه وقت دوام زوجي لان اهلي حولي و اهل زوجي كمان حولي لكن البيت اللي انا فيه لا بعيد حتى السواق اللي يوديني الجامعه مايجيني فيه
الله ييسرها و نستقر ياااارب
مواضيع مشابهة
تابعي تجارب أخرى من هذا القسم.