مرحبا بنات حواء

أنا أم لطفل عنده مشكلة في الكلام ، لما كمل سنه ونص تقريبا لاحظة عليه أنه ما يتكلم زي الاطفال اللي بعمره يدوب كلمة ( ماما ) بس !
شهر وراء شهر و انا اقول بتكلم بعد فتره ، و الناس اللي تقولي عادي فلانه ولدها ما تكلم الا وعمره 3 سنوات ، و فلان ما تكلم الا وعمره 4 سنوات ، و بنت فلانه ما تكلمت الا وعمرها 5 سنوات !!!!
عاااااااااادي الاطفال كذا .

صار عمره سنتين و 4 شهور ....... وما تكلم !!!!
كتبت مشكلته هنا ....
كانت الردود نفس الفكره ( لا تخافين طبيعي جدا )

بعدين ..... قلقت عليه قلت لزوجي : خلينا نوديه أخصائي تخاطب .
قال : لا ، الولد ما به الا العافيه ، لا توسوسين

قرأت كثيييييير في النت عن موضوع تأخر الكلام عند الاطفال ، لقيت ان الطفل اذا تأخر عن الكلام لحد عمر ( 3 سنوات ) لابد يعرض على أخصائي تخاطب
قلت في نفسي بصبر ألين يكمل 3 سنوات وأشوف اذا ما تكلم بوديه للدكتور
المهم ......
كمل ولدي 3 سنوات و للأسف لالالالالالالالا تحسن في الحاله !!!!
مو بس كذا آآآآآآآآآآآآآآه كلمة ( ماما ) الوحيده اللي كان يقولها صار ما يقولها نهاااااااااااااااائيا !!!!!!!!!!
بس صار تحسن ( كان يتابع قناة روضه و براعم و منها حفظ الارقام وصار يعد من 1 إلى 10 ) بسسسسسس هذه كل كلامه
طبعا أنا ما راح أتكلم عن الناس و كلامهم لي كل ما شافوا ولدي وطبعا السؤال الدااااااااااائم (( ولدك ليش ما يتكلم ؟ )) ووووووووووووووووووو
لأن هذا موضوع ثاني بحد ذاته و مو مهم احكي القصص و الحكايات اللي تصير و اسألة التحقيق و نفسيتي اللي تصير زيي الزفت من لقافة و قلة فهم بعض الناس اللي ما عندهم أسلوب في الكلام و الوصف
نرجع لموضوعنا

ولدي صار عمره 3 سنوات وهو ما يتكلم :44:
قلت لزوجي خلاص لالالالالالالالازم نوديه دكتور ، هو ابدا مو مقتنع بالموضوع و انا طبعا ازن و ازن و ازن يعني ( ألح و ألح و ألح ) قلت له مو شرط تقتنع خليني انا اقتنع ان ما فيه شئ ، كيف ؟ نروح للدكتور و يقولنا : عادي الولد طبيعي ما في شئ .
انا كذا اتطمن و ارتاح
بعد مشوار من المناقشات و المجادلات وافق بس ما اقتنع ، طبعا مو مهم عندي انه يقتنع المهم انه وافق وقالي انا عارف اننا بنروح عالفاضي بس عشان اريحكي و تسكرين عالموضوع

قبل موعدنا مع الدكتور بيوم ، طول الوقت أفكر في الموضوع نفسي يجي بكره بسررررررررررعه
ورحنا للدكتور ، والله وانا رايحه للمستشفى ما اقدر اوصف لكم احساسي و شعوري و قتها ، كأني رايحه أستلم نتيجة اختبار مصيري ، كأني رايحه مشوار ما ادري للجنه و الا للنار !!!!
و انا في الطريق ...
أسأل نفسي كيف نفسيتي و أنا راجعه ؟ مبسوطه ؟ زعلانه ؟ منهااااااره ؟؟؟؟؟ ياااااااااااارب

دخلنا عند الدكتوره _ العياده كان فيها استشاري بس دخولنا عند الدكتوره نسيت اذا اخصائية و الا استشارية _ المهم دخلنا سألتنا عنه و عن سلوكه و تصرفاته . هو كان يلف في الغرفه _ ولدي من بعض تصرفاته انه نادرا انه يجلس يعني داااااااايم يتحرك يلف في البيت بدون هدف بس يمشي مو شقاوة لا ، يعني ما يخرب و يضرب وووو ، لكن يمشي رايح جايي _ و احنا في العيادة كان كذا ، الدكتوره عينها عليه تراقب حركاته بعدين نادته بأسمه ، ما ألفت عليه ، ناداته مره ثانيه ، وهو ابدا ما يلتفت _ وهذه شئ كنت دايم افكر فيه و استغرب منه، ولدي اذا ناديته ما يلتفت ، واذا جيت اكلمه ما يحط عينه بعيني أبدا بالعكس يلف راسه يمين و يسار و يتحاشا يحط عينه بعيني !!!!

قالت الدكتوره : حنسوي 3 إجراءات بعدها نشخص الحاله
1- اختبار للسمع
2- تحليل دم
3- جلسه مع الاستشاري النفسي

قلت لها طيب التشخيص المبدئي ايش ممكن يكون

آآآآآآآآآآآآآآآآآآآآآآآآآآه

قالت بالحرف الواحد وهذه الجمله ما أنساها طووووووووووول عمري

(((( قد يكون فيه شئ من التوحد )))))

آآآآآآآآآآآآآآآآآآآآآآآآآآآآآآآآآآآآآه

معليش ما اقدر اكمل ألحين

برجع قريب اكمل القصه

أعذروني

معرفة جنس البيبي بنات افيدوني بنت ولا ولد

ولدي ..

ولدي

ولدي

ااذكرولي تجاربكم مع لدكتور وليد الشرطان بمستشفى الحبيب ببريده