داختى ام فارس الله يعينك طيب افكر معاك
اولا قفلي كل الغرف اللى مش عايزة عيالك يدخلوها غرفة نومك المكتب غرف الضيوف
امنعى علييدخلوا الدور التانى خالصاقصد الصالة
و غرفة الغسيل
يبقي اولا حددنا العيال في غرفة الصالة تبعهم و غرغرفتين النوم
على الاقل
ثانيا انتى محتاجة بالليل بعد مايناموا تحضري غداك و تغسلي مواعينك
عشان ما تحتاجى تتركيهم فترة تحضير الغدا بدون مراقبة
ثالثا قللي استعمالكم للمطبخ في فترة صحيانهم على قد ماتقدرى
مثلا خلى عندهم برادة مية فوق عشان ما يضطروا ينزلوا المطبخ كل شوية
او حتى كولمن و كوبايات بلاستيك و خلى فوط قريب منه احتياطى لو وقعوا مية
كمان حاولى طول اليوم تستعملوا كلكم ماعدا زوجك لو مارضي
اكواب و اطباق بلاستيك و ملاعق و شوك بلاستيك اللى تنرمي بحيث تقللي فرص غسل المواعين قدر الامكان و كمان احتمالات الكسرو خصوصا انك حامل مش حمل مجهود و الشهرين اللى جايين ضغطك هيوطي
قبل ماتنامى رتبي الدور التانى و البيت بسرعة بحيث لما تصحي مايكونش وراك شغل كتير و نفسك تتفتح
حاولى تعتمدى الوصفات السهلة قد ماتقدرى و خصوصا اللى بحلة الضغط عشان ما تحوسي في الطبخ و مواعينه
اه بالنسبة لاولادك الصغيرين خلى فوق في سلة او سبت مقفول علبة خيار و جزر نظيف و مقطع و خبز مقطع عربي و جبنة مثلثات لو جاعوا تاكليهم بدون ما تضطري تنزلى تحت
و خليهم لو وسخوا هدومهم لحد ما يقرب باباهم يرجع من الشغل ساعتها نظفيهم و استقبليه و انتوا نظاف
و لابسين
و لما ييجي تقعدوا في صالة الدور التانى معاه
كمان اصدرى قرار ممنوع نهائي اى العاب تنزل من غرفهم الى تحت ابدا ابدا
اللى عايز يلعب يطلع فوق
انا فى شقتي ممنوع اى العاب تخرج من غرفة بناتى اللي اى مكان تانى
الكبار لازم تنبهيهم لما يرجعوا يعينوا حاجاتهم و يرتبوا سرايرهم قبل ما يخرجوا للمدرسة و الا مافيش مصروف او تخصمى منه
بالنسبة للصغار هاتى سبت غسيل كبير في صالتهم
و قبل ما يناموا لازم يلموا اللعب
بمسابقة او سباق و ياخدوا الجايزة حاجة او حادقة و يتسابقوا سوا و ادخل.ى معاهم السباق عشان يتشجعوا بدل ما تصرخي
و توترى اعصابك
كمان خفي الحلويات عنهم لانها بتعلى مستوى النشاط جدا مش تمنعيها بس خفيها
و عودى الكبار ياخدوا بالهم من الصغيرين لو هتنظفي حاجة بسرعة
او هتغيري هدومك قبل ما يرجع باباهم و تتعطرى
و ادعي ربك و بازن الله لو حس انك بتعملى اللى عليك هيساعدك و يوافق يجيب واحد تساعدك مرة او مرتين في الاسبوع بالتنظيف
و لو افتكرت حاجة تانى هاقولك و ربنا يقومك بالسلامة و يهديلك زوجك و عيالك
ملتقى ربات البيوت (2) بقيادة اﻻخت فكتوريا 911
متابعة النقاش، صفحة 22