🍼🐣التجمع التاسع لأمهات مواليد مايـ..5..ـو & يـونيـ..6..ـو🐣🍼2016

شيراز الزبد الخام هي الي تجي ثقيله وافضل اضافة الزيوت لها + تسخينها قبل كل استخدام لانها ترجع تجمد ..

ميرال اللي سالت اقرا وانسى فكرتها ام اياد

شوشو
مبآرك تأكدتي من الجنس الله يجيبه بالسلامة 💙
عقبالي والبقية
وبالنسبة للإسم والله انك صادقه مايقهر غير لما يكون
كل اللي حولك بنفس اللقب أحس صعب كذا
والأسماء اللي حطيتيها كلها حلوة بس أهم شيء زوجك تكون عاجبته كمان
أم أصيل
سلامة أصيل مايشوف شر يآرب وقدامه العافية بإذن الله🌹

بالنسبة للتجهيز ماجهزت شي ابد لإني للحين ماعرفت جنس الجنين هالاسبوع او اللي بعده راح اخذ موعد اتطمن واعرف وابدا تجهيز باذن الله


ام اصيل سلامة اصيل دهني صدره زيت زيتون وظهره وحلقه بعد


بالنسبة لربط البطن كيف تستخدمون الشماغ هل في طريقة معينة وايها افضل الشماغ او المشد

ميرال تمارين البطن ف اي وقت لو تمرنتي مزبوط لفتره حق 3 الى 6 شهور ب انتظام حتروح الكرشه + بطن مشدود وتقسيمات انثويه جميله + يكون وزنك ف المعدل المثالي لطولك ،، بس لمن تتركي الرياضه حتختفي التقسيمات لكن الي يهمها بس الشد ف تقدر ان شاء الله لكن لو تبغى تقسيمات تستمر طول عمرها ع الرياضه ..


طبعا كل ماكانت بدري كانت النتيجه اسرع بس انا جربت ف بكريتي بعد 3 سنين من الولاده تمرنت << صح النوم 😂، بس الحمدلله وصلت للنتيجه الي ابغاها ف البطن ما شاء الله بس المناطق الي ترهلت اكثر تحسن فقط مارجعت زي اول ، الي ساعدني انه وزني تحت المعدل الطبيعي لطولي ف مافي دهون ف البطن ولا جوانب بس كنت ابغى اشد جسمي ولمن حملت وقفت ومااعرف كيف حتكون ظروفي بعد الاربعين ،، ف بخليها بظروفها سواء بعد الاربعين او بعد 6 شهور ان شاء الله ..


والمشد عندي حق سنتر بوينت اشتريته بعد الاربعين لكن صراحه مالتزمت فيه يومين ونسيته .. ف دحين ان شاء الله بعد اسبوعين من الولاده حرجع استخدمه ع خفيف لانه سمعت انه المشدات صحيح تدخل البطن بس ترهلها 😢 مدري المعلومه صحيحه او لا ،،