🍼🐣التجمع التاسع لأمهات مواليد مايـ..5..ـو & يـونيـ..6..ـو🐣🍼2016

مساء الخير
كيفكم بنات
لاجديد لدي سوا اني رحت السوق على اساس اشتري واخلص وجيت تعبانه من ظهري بشكل فضيع
واللي يقهر ماشريت الا طقم بربتوز من 0/3 ويوم جيت البيت لقيته كبير مررررررا وافكر ارجعه لانه طقم مع مريله وشراب
اااخ شي يقهر قسم السوق فاضي ولا انا مااعرف اشتري


ياناس الكوافل ماحصلتها رحت ردتاغ ثقيله وسنتر بوينت صغيره وغاليه صراحه
ومادري وش اشتررري كاني بكريه نسيت
شي يطفششششش السوق والمقاضي وفوق هذا رحت واحة الجلابيه وعجبتي قميص بس استغليته ب199ريال يعني 200 وتركته والحين من وين ادور ارخص وشي حلو
😩😩😩😩😩
والله تعبت من السوق ماني قادره من ظهري
ليت يابنات تقولون وش بتشترون اغراض البيبي غير البربتوزات الداخليه والخارجيه والكوافيل وش فيه ثاني
والاهم من وين

خزامى ان كانك مثلي رحت لواحة الجلابيه لقيت قمصان النفاس شفاااافه تفشل كنها ملابس نوم
وانقهرت وطلعت رغم انها غاليه ودي بشي ماهو شفاف توقعون سنتر بوينت فيه
وملابس النونو اكيد بربتوزات ومهادات وخيط للربط ان كانك من النوع اللي يربط البيبي مثلي وشنطه وبطانيه وحده صغيره وحده وسط والملابس الكامله مدري وش اسمها ومدس وفوطه وبالنسبه لي مااستغني عن السرير الصغير اللي تقدرين تشيلينه وقبعات وقفازات علشان مايجرح نفسه يادلبببي
هذا اللي في بالي على اني لو اروح سنتر بوينت بتذكر اشياء ناسيتها

فوفي
لا سنتر ماشفت عنده حاجه تنفع النفاس للاسف
نواقص البيبي اللي قلتيها حلو
بس سنتر غالي باشياء تحصلينها برا ارخص بالذات المواليد لانهم يكبرو

انا كمان اراجع بحكومي كانوا يعطوني فروز بس لما ماناسبتني قلت لها تغير لي وكتبت لي فيفول

انتي مثلي انا وزوجي ودنا ببنت 🙈
وكلهم حلوين لو جا ولد الحمدلله ماراح نزعل يعني