💓التجمع الرابع عشر لامهات مواليد مارس🌸ابريل🍼👶

الي يتكلمون بالاوزان احس الطفل الكبير يدف نفسه وجربتها بولدي كان 3 و200

وبنتي نشبت بحلقي كان وزنها 2وكم جرام لدرجة تعسرت ولادتي ولدني رجل يقول البيبي زاقح لفوق ومايساعد بالدفع

ولا انزلت للحوض الا بغرفة العمليات

واحس اهم شي البيبي يكون داخل راسه بالحوض واخذ وضعية الولاده هذا اهم شي ..

بنات على طاري الاعشاب اشوفكم ماتكلمتو عن قشر القهوه ..
انا اهم شي عندي ماتطلعين من النفاس الا هو ماسحلك الكرش مسح ..
اهم شي اغسلي القشر ونشفيه وحطي فيه كم عود قرفه وحطيه بزمزميه عند راسك مع الفطور ولا الغدا مره بعد يهظم الاكل
وبعد الشيح زين لنتفخات البطن بعد الولاده
والشمر مره مفيد لدرار الحليب هو والقشر القهوه لا تستغنن عنهن والشمر مفيد للغازات خاصه الايام الاولى من الولاده الله من الغازات تطلع منا
والحزا .. ذا مره حلو لشمم تحطينه مع شاهي الاعشاب المعتمد عندك هو والشيح والشمر

والخوا جوا بعد حلوه مع زيت زيتون تقطرين الفوطه به

طبعا المره وقشر الرمان ماآنصح فيه يجيب حساسيه تحت من تجربه يقولون تشطفي فيه ابتعدي عنه افضل

اختي تسولفلي عن الخزامي لتشطف فيه شكلي ابجربه ان ربي عطان عمر

حاولت اعطيكم نبذه للبكريات عن الاعشاب المهمه وقت النفاس بالاضافه للحلبه بس ماتكثرين من الحلبه عشانها تجيب لك رطوبه خليها بس 20 يوم

مع الماش انا ماآستلطف الحلبه كثير واعوض بالماش وطبعا معروف انه زين للعضام والظهر وحده بوحده خوذي منه لين تطلعين النفاس ..

السلام عليكم دعواتكم لي والله اني تعبت حيل انا ببداية الثامن وشغلي يقص الظهر من الشهر السابع وانا كثرت غياباتي بسبب الثقل والتعب والخفقان اللي يداهمني وبعد الدوام يستمر يوم كامل ماحد راحمني ابد لانوم ولا راحه وعيال وشغل وتعب وارهاق انا قلت افضفض لكم لانكم حاسين بالتعب والثقل هاذي المرحله رزيت وجهي عمد دكاتره نسا ماحد رضي يعطيني اكثر من يومين حسبي الله ونعم الوكيل يارب فرج همي ياخبير ياخبير

صباح العسل والقشطه والروقان
ماشاء الله عليكم داعسين ....
مالحقت اقرأ اللي فات
المهم

تسلمين ياعمري
بالكثير اسبوعين وانا والده يارب 🙏🙏🙏