راتب زوجي واهله

مساء الخير كيفكم حبيباتي عندي مشكله وماني عارفه كيف اتصرف وبسببها تصير مشاكل كثيره بيني وبينه زوجي موضف له اكثر من 15سنه طيب لكن مشكلته الفلوس مايحسب لها حساب ثﻻث ارباع راتبه لاهله يصرف على اخوانه المتزوجين واخواته المتزوجات ومايقول ﻻحد ﻻ لوطلبه عيونه انا ماهمني لو كان امه وابوه واخوانه العزاب كان عادي لكن يقهرني انه يصرف على موضفين ورواتبهم اعلى من راتبه يستغلونه ﻻنه طيب وﻻيقول لهم ﻻ دايم اقله خلنا نطلع قروض ونشتري ارض وﻻ شقه تمليك وهو رافض الفكره مدري مايبغى نشترك يماطل ويرفض الموضوع و صدقته وبعد فتره بسيطه اتفاجا انه طلع قرض 350الف وماقالي بس رحنا مشوار وشفت اﻻوراق وتفاجئت عصبت وخاصمت قال قفلي على الموضوع ومالك دخل سكت ودايم يقول اخواني عندهم قروض والتزامات مساكين ماعندهم شي وهو قايم باهله كل مصاريفهم وهم وﻻ يدفعون ريال لدرجة يطلبونه مصاريف المدارس لعيالهم وانا انقهر وجلسنا فتره بسيطه اﻻ واحد منهم شرى فله فجلست اخاصمه شفت انهم يأمنون مستقبل عيالهم وانت ماهمك ومافيه فايده والمشكله اهل زوجي مايتحملون عيالي ومتضايقين منهم وﻻ يقدروني وﻻ يعبروني حتى لما امرض وﻻ احد من عيالي ﻻيدقون ويتطمنون عليه وجدا سيئين مادري كيف اغير زوجي واخليه يأمن مستقبل عياله على فكره انا موضفه وماعرف امسك يدي راتبي كله يطير من غير مااستفيد منه تشورون اشتري شقه تمليك بالتقسيط وﻻ اطلع قرض واشتري ارض عساه يحس ويتحرك ﻻ واللي يقهرني مايصرف علي اﻻ بالحسره ويزعل اذا طلبته شيءويتضايق صراحه اشوف اني اولى من اخوانه ساعدوني بحلول جزاكم الله خير

18 تعليق 6,455 مشاهدة

شاركي في النقاش

سجلي الدخول لإضافة تعليق.

التعليقات

16
  1. شوووفي طالما هذا طبع فيه ولا منه فايده ولا بيتغير افضل حل تطلعين قرض باسمك والأفضل تاخذين ارض لك وللزمن وطنشيه متي ماحس وصحي من نومه بيتحرك بس انتي لا تصرفين علي البيت ولا ريال حتي العيال خليه هو يصرف عليهم من والي انتي لو طلبتيه شي وتحلطم طنشيه اكيد مايبيي يدفع طالما انتي موظفه بس اهم شي العيال تخلينه يصرف عليهم
  2. @gmalk_shrny

    يياختي كنت بقول كلام ينفع للي مو متوظفه
    بس انتي موظفه عشان كذا مستسهل الأمر عنده مصدر ثاني ماراح يخاف من شي
    اما عن يعطيك مااظن، طيب ليش ما تطلبين منه اغراض الاولادك غرف أثاث وزيدي السعر والزيادة خبيها
    حاولي معاه بالنقاش ولا تقولين شف فلان وما فلان قولي ايش رأيك نشتري بيت ارض دام الدنيا كذا الا أسعار قبل لا تزيد سعر وقولي يأفلان كم لك متوظف ومتزوجين وماعندنا بيت الى مته بكرا أولادنا يكبرون انا أمن مستقبلهم وتكلمي معاه عن انك تاخذين بيت تمليك وتاجريه ولا قرض
    وبعدين يااختي ليش حتى انتي بعد يروح راتبك يطير ليش خلاص أوقفي مع نفسك وقفه من الشهر الجاي
    وقسمي الراتب واجمعي لك مبلغ وأشتري لك
    وعاد ان شاء الله يجيب نتيجه التفاهم معه وبصراحة فعلا شي يقهر دام مو محتاجين
    الله يكون بعونك يارب
  3. @ghym_matrh_1

    الله يعينك ويعيننا هم مستغلينه وهو مغفل بتمر الايام وبيحتاجهم وبيطنشونه وبيتحسف وقتها بس بعد ما يفوت الفوت ما ينفع الصوت
  4. @algthab_9

    انتي تهاوشيه جمع واشتري ارض وسو وافعل
    وانتي مثله ؟!! فلوسك تطير ؏ قولتك
    كوني انتي حريصة ؏ نفسك لا تنتظري احد
  5. الناس الي اطباعهم كذا للأسف مايتغيرون انتي افضل حل اشتري لك شقه او طلعي قرض وخذي لك بيت ملك او ارض تستفيدي منها وحتي لما يصير عندك شقه ملك لا تسكنيها اجريها وجمعي فلوسها عشان لا زوجك يرتاح ويحط رجل علي رجل ولا يسوي أي شي مستقبلا وانتي طالما موظفه لا تطلبيه شي بس مصاريف العيال خليها عليه من والي وخلاص الله يعينك

تابعي تجارب أخرى من هذا القسم.