الله يعمي هالاشكال

الاهل مالهم ذنب !


عيب والله تقولين تفو على اهلها يمكن انهم من اهل القبور والا الصالحين
نوح عليه السلام ما استطاع هداية ابنه وهو نبي


اذا هم (صايعات) فهذا ذنبهم ما لاحد اي ذنب
والحريم اللي بمثل هالامركن غالبا متسولات
و الاوراق تكون شرح للحاله والا رقم ملف طبي
مرت علي من قبل وفعلا تنششب نشبه مكان مااحط يدي تلحقني




انتي الان تدعي عليها بالعمى لكن هل خطر ببالك ممكن تكوني ظالمه !!


يمكن محتاجه وفعلا ماوراها رجال وكلمتك تصيبها في مقتل !


معليش ياعزيزتي قليل من الحكمه وحسن التصرف


والله لو بحرق دمي على كل ساقط و حقير وسافل
وادقق على كذا تفاصيل
واجلس ادعي و ارد وانقهر وابكي ووو
يمكن تجيني حاله نفسيه


طنشي
تصرفتي بوقتها وانتهى الموضوع
باقي مقهوره ليش !!
اشوفك قلتي وتكلمتي واخدتي حقك واكثر !


و الحمدلله زوجك محترم ولا التفت لها فليش كل هالقهر و العصبيه والسب والدعاء !!
تعلمي تتعايشي منع اي ظرف خارجي
لانه ببساطه خارج اراداتك
لابيدك تحكمي البشر ولا بيدك تلبسي طاقية الاخفاء انتي وزوجك
ثقتك بنفسك وزوجك مع رد فعل طبيعي و هادي
يخرس السنة هالاشكال ويعمي عيونهم !




و انتبهي وهذي نصيحه لك ولغيرك
مو كل (صايعه) عندها استعداد تسمع منك وتسكت
بعضهم تقلبها هوشه ومضاربات باليد واللسان
وصراخ وقلة ادب
وبعين قويه ولان فعلا ماوراها احد تخاف منه !
وقتها كل اللي راح يصير انك انتي واياها وزوجك تنتشرو بسناب هوشه في السوق والا تنقهري فعلا لما وحده صايعه تتطاول عليك فوق غلطها


مو كل مرا تسير الامور على طريق رغباتنا و مثل مانخطط
الحكمه في التصرف بكل استحقار و هدوء وكفى الله المؤمنين شر القتال !

فعلا"صادقه لولو في بعضهم ماتسكت وتقبلها عليك ياكم مره تصير !!وبعدها زوجها يطلعها ويشكمها قدام الناس ويردها المخطيه ويقولها وشلك فيهم خلها تناظر لين تطلع عيونها انت بتادبين الناس!! بعضهم مستعده تضارب الي بها الجرائه وتجرائت تغازل ما عليها من شي وبايعه الدنيا احسنلك الأشكال هذي طنشيهم ولاشفتي حد تحرش بزوجك امسكي يده ببشويش وسحبيه لمك بهدوء مع نظرات احترق تكفيها بدل تسوين هوشه انت لك بزوجك ،،اهم شي ماتكوني تتوهمين لان أظنها متسوله

وك العاده
فيه ناس تدافع وتبرر. للعالم الوقحه تجعل لها مليون عذر
وسبب. ????
الله وحده العالم
لكن عندي سوْال او كنتي ف السوق وحاول رجال
يسوي معك حركات تميلح مو كان قلتو. علمي زوجك
ولا بلغي الهيئه
او أضعف الإيمان. بتقولون كان لعنتي جدفه !!
لكن لما تكون المتميلحه حرمه. اوووووووه
جريمه تشتميها حرام تقذفينها لا اَهلها عرفو يربون
لكن هي أكيد زوجك ماشر لها مسيكينه. معذورة
لانها تبي تشم ريحه رجال لو تطامر السوق رايحه جايه
أنتن مطلعين لأهل الاشكاااال ذي مليوووووون عذر
انا شخصيا ماخاف علي عيالي. اخاف ع بناتي
تشوف المطاردات الرجال.
انا اقووول لو كل ام تركت الجوال عنها والمسيار من بيت لبيت ومطارد زوجها
ولتفتت لبناتها وربتهن صح. والله ماحصلتو الأشكال ذي
خلو الكبار العجز شوفو المراهقات كيف الابسااات
بلمجمع. ليه أمها عميانه ماتشوف بنتها كيف متبرجة
ابوها ماعنده غيره يشوف عرضه
عيب عليكم بدل ماتعدلون. الوضع بنصائح الفئه المخيسه ذي
جالسين تناقشون وتكذبون وتختلقون اعذار
أقلها إنّو احنا خير امه اخرجت لناس نأمر بالمعروف وننهي عن المنكر
لكن الي اشوفه ان المنكر له عذر عند بعض العضوات
الأحمد الله الذي عافانا مما بتلاهم

أمرنا دينا نامر بالمعروف وتنهى عن المنكر وبالمقابل أمرنا لانسى الظن حرمه كبيره مثل ماتقولين متأكده وتحطي بذمتك انها ترقم زوجك ممكن فعلا متسوله انا شفتهم والله تدخل للمحل وتنشب برجال كان اومره تبي مساعده وصدقه وطلع ورقه له
الظاهر انو الزوج طير عيونكم المهم على قولت المثل ما في نار بدون دخان الي ما يشوف حركه وستجابه من الطرف الثاني مايتجرى يحارشه وسلامة عقولكم
ماننكر في بنات الله يهديهم مستهترات لكن عاد مو كل من بسوق حطيتوه يحارش ويغازل أزواجكم تاكدو الله يهديكم بعدين إذ بتمصعون اذونها كيفكم
كلن وعقله

ادعيلهم بالهداية يا اختي
وادعي لنفسك و لبيتك
يحفظكم ربي من هالأشكال الصايعة
ويبعد عنك الشر واهل الفساد ...
لا يخلو مجتمع او اسرة من مرضى
القلوب ..
الله يعافينا و لا يبلانا ب بلاويهم


نقطة بس ...!!
ما يليق تدعين بالعمى والشر
و تتفلي على أهاليهم ...يمكن
ما لهم ذنب ، او
ما قصروا ف تربيتهم
و توجيههم ...
قولي حسبي الله ونعم الوكيل
اللهم اكفنيهم بم شئت
و جازهم بم يستحقون ..
هذي الدعوة تكفيك ...